يتاليانىڭ تانىمال رەجيسسەرى Gianni ءLepreنىڭ ءبىر ءفيلمىنىڭ كەيىپكەرى-پروكۋرور تۋرالى تۋعان-تۋىستارى: «ونىڭ ىشىندە شايتان وتىر» دەيدى عوي. ءوز ءىنىسىنىڭ ايەلىنە شەكسىز عاشىق بولعان، جاۋاپسىز ماحابباتتان زارداپ شەككەن ول بۇكىل الەمگە جاۋىعا قارايدى.

اقىر سوڭى كەلىنىن بۋىندىرىپ ولتىرەدى. ۇيىندەگى قىزمەتكەرىنىڭ كومەگىمەن ولگەن ايەلدى جاردان ءوزى قۇلاعانداي ەتىپ، ءوز «قىلمىسىن جاسىرعانىمەن»، ول ءبارىبىر ار ازابىنان قۇتىلا المايدى. قىزمەتتەن ءوز ەركىمەن كەتىپ، موناستىرعا بارىپ، جۇرتتان الشاق ءومىر سۇرەدى. ءبىر كۇنى قۇلشىلىق ەتىپ وتىرعان جەرىندە ءىنىسىنىڭ قىزى كەلەدى. سوندا ول: «كۇنامدى جۇرت الدىندا مويىنداماي، مەنىڭ داۋسىمدى اللا ءتىپتى دە ەستىر ەمەس» دەپ قاتتى قامىعادى. جاساعان كۇناسىن حاتقا جازىپ قالدىرىپ، اسىلىپ ولەدى. سەبەبى، ول ءبارىبىر ىشىندەگى شايتانىن جەڭە المايدى.

... جاڭاوزەننىڭ جازىقسىز حالقىنا وق اتقان، حالىقتى توناۋدان ەشقاشان بەتى شىمىرىكپەيتىن ءبىزدىڭ بيلىكتىڭ ىشىندە دە شايتان وتىر. ولار ءوز كۇنالارىنە كەشىرىم سۇراپ، «مەنىڭ داۋسىمدى قۇداي ەستىمەي جاتىر» دەپ وكىنە مە ەكەن؟ كۇمانىم بار! جاڭاوزەندە قىرىلعان حالىقتىڭ الدىندا مەن ءوزىمدى ىلعي دا كىنالى سەزىنەم. ءوز قۇقىمىزدى قورعاي المايتىن، بيلىك قۇقىمىزدى اياققا تاپتاپ جاتسا دا - نامىستانبايتىن، بارىنە ەتىمىز ءولىپ كەتكەن بىزدەردىڭ ارقايسىمىز ولاردىڭ الدىندا كىنالىمىز...

اياگۇل مانتاي

Facebook-تەگى پاراقشاسىنان