«مەن دە تالانتپىن» دەپ ايتايىن دەسەم، ابايدان ۇيالام..
- قىستىڭ قىس بولعانى جاقسى،
قىزدىڭ قىز بولعانى جاقسى.
- اۆتوبۋستاعىلار ارمانشىل بولادى.
- ارۋ – اقىرىن سويلەيدى.
4.كۇلەگەش قىزعا – كوكتەم ەرتە كەلەدى.
5.ۋ گەنيەۆ نە بىۆاەت ناتسيونالنوستي.
6.بويى الاسا ارتيستەن – ويى الاسا ارتيست جامان.
7.تەك بىزدە عانا «قازاقستاننىڭ ەڭبەك سىڭىرگەن ءارتيسى»، «قازاقستاننىڭ حالىق ءارتيسى» دەگەن اتاقتاردى الىپ تاستادى. نەگە؟ ودان مەملەكەت نە ۇتتى، نەدەن ۇتىلدى؟ مەنىڭشە وسىنداي يدەيانى ايتىپ، جوعارعى جاققا جەتكىزگەن كوكەلەرىمىز بولاشاقتى ويلاماعان سياقتى. مەملەكەت ءبىر فورماتسيادان ەكىنشى فورماتسياعا وتكەن شاقتا، مۇڭكىر-ناڭكىردەي ەسىكتەن نارىق كەلىپ تورگە شىققاندا، پىسىق ارتيستەر بيزنەسكە كەتىپ، ساحنادا ات توبەلىندەي پاتريوتتار عانا قالعاندا – ولاردىڭ وسى اتاعىن اۋىزدارىنان جىرماۋ كەرەك ەدى. «ەسەككە ءايت-شۋ دەگەن دە دەم» دەمەكشى بۇل اتاق ۇلكەن ستيمۋل ەدى. وكىنىشتى...
8.نە اكتريسا بولىپ رول ويناماعان، نە ءانشى بولىپ ءان ايتپاعان، رەپەرتۋارىنداعى ءان سانى التىعا جەتپەيتىن ءبىر قىزدىڭ «قازاقستاننىڭ ەڭبەك سىڭىرگەن قايراتكەرى» دەگەن اتاق العانىن ەستىگەندە جاعامدى ۇستادىم. نە ءۇشىن الدى ەكەن؟ بىلمەدىم... بىلگىم دە كەلمەيدى...
9.اتاق العاننىڭ ءبارى – ابىرويلى ەمەس...
10.اكىممەن امانداسساڭ – اتىن قامشىلاپ قاشا جونەلەدى.
11.اكىمنىڭ بالاسى – بيزنەسمەن بولعىش...
12.ەلدىڭ بولاشاعىن ويلاۋ – تەك ەلباسىنىڭ عانا مىندەتى ەمەس.
13.ءوز قالاۋىمەن تەاترعا بارىپ، سپەكتاكل كورەتىن بىردە-ءبىر اكىمدى، بىردە-ءبىر ءمينيستردى كورگەم جوق. كورمەيتىن دە شىعارمىن. ويتكەنى ولار بيىكتە ءجۇر. تومەن تۇسكىسى كەلمەيدى. ولاردىڭ ۇعىمىندا، تەاتر – تومەن ونەر.
14.بىرەۋدىڭ تالانتىنا باس يۋ دە –تالانت.
15.ساۋنادا سوڭعى سىرا – تاتتىرەك كەلەدى.
16.ي ۋ ناس پروگرەسس... وت مامبەتوۆا دو بەكمامبەتوۆا.
17.باياعىدا امەريكاعا بارعانىمدا پروديۋسەر پاۆەل دەۆيدسوننىڭ ايتقانى كەيدە ەسىمە تۇسەدى. «لوس-انجەلەستە ءبارى ستسەناريست تەك قانا كاسىبي ستسەناريستەر عانا ەمەس، كوشەدەگى پوليتسەيلەر مەن تاكسيستەرگە دەيىن ستسەناري جازا بەرەدى» ، - دەيدى. قالجىڭى عوي. بىراق بىزدە دراماتۋرگ تە، جازۋشى دا، جۋرناليست تە، ءتىپتى دەپۋتاتتار دا – دراماتۋرگ. ارزانقول دۇنيەلەرىن ساحناعا كۇشتەپ تىعادى. سول ءۇشىن دە مەن ولاردى «دەپۋتات-دراماتۋرگتەر» دەيمىن. دد-لار.
18.بۇگىندە پوليتسەيلەر پارا العىش ەمەس، مازا العىش...
19.ارزانقول وۆاتسيا، شالدىققان شاپالاقتار...
20.بانكير ءبىر قۇلاقپەن تىڭدايدى.
21.تەلەديداردا تەك قانا تۇرىك، كارىس، ۇندە، ورىستاردىڭ سەريالدارى ءجۇرىپ جاتىر. تەلەۆيدەنيە تەك ۋاقىت تولتىراتىن جاشىك ەمەس، ول – يدەولوگيا. كينو دا، تەلەۆيدەنيە دە – يدەولوگيانىڭ ءبىر ءتۇرى.
22.بىزدەگى كۆن-دەردى كورگەندە كۇلمەك تۇگىل، جىلاعىڭ كەلەدى.
23.سەرىلىك – جاستىقتىڭ كولەڭكەسى.
24.اقشاسى بارلار – اجالعا سەنبەيدى.
25.جەرلەۋگە بارعاندا – جەتى اتاڭنىڭ بولعانىنا سەنەسىڭ.
26.نەمەرەڭ – سوڭعى تاربيەشىڭ...
27.ۇيقىسى تىنىش جىگىتتەن – ازامات شىقپايدى.
28.قاتال باسشى – باق، قاتىگەز باسشى – سور.
29.«قازاق ءتىلىنىڭ قامقورشىسى» بوپ تريبۋنادان كەۋدەسىن ۇرعان جازۋشىنىڭ نەمەرەسىمەن ورىسشا سويلەسكەنىن كورگەندە تاڭ قالعانىم بار. ءتىل ۇيرەنۋ – وتباسىنان باستالماي ما؟
30.سىرتقى سۇلۋلىق – قوناق سياقتى. ەرتە مە، كەش پە كەتەدى. ال ىشكى سۇلۋلىق – ادامنىڭ بايلىعى.
31.سىرتى قارا ادامنان - قورىقپا، ءىشى قارا ادامنان - قورىق.
32.«تورەعاليعا – ۇلى دالا بالاسى» دەپ «قازاقستان» تەلەارناسى ات قويىپ، ايدار تاقتى. تالايلارى تاڭداي قاعىپ، تاقياسى جەرگە ءتۇستى. ال، ۇلى دالا بالاسى بولسا، قىزى قايدا؟ اتاسى مەن اجەسى بار ما ەكەن؟ ءاي، جوق شىعار. سوندىقتان دا سول بالانىڭ «ءاي دەر اجەسى، قوي دەر قوجاسى» جوق...
33.كومپوزيتور بولۋ – كونتسەرت وتكىزۋ ەمەس.
34.ۇلتتىق يدەولوگيا بولماسا – ۇرپاق ازادى.
35.قازاقستاندا كوپ نارسە جوق. جەتىسپەيدى. از... ەڭ سوراقىسى – بىزدە پاتريوتيزم جوق.
36.مەن ءۇش نارسەگە الاڭدايمىن. بىرىنشىدەن، ەندى ءجۇز جىلدان سوڭ وسى مەملەكەتىمىزدىڭ شەكاراسى وسى قالپىندا قالا ما، قالماي ما دەپ الاڭدايمىن. ەكىنشىدەن، ەندى ءجۇز جىلدان سوڭ انا ءتىلىمىز – قازاق ءتىلىنىڭ اياسى وسى دەڭگەيدە بولا ما، بولماي ما دەپ الاڭدايمىن. ۇشىنشىدەن، ءبىزدىڭ استانانىڭ ەندى ءجۇز جىلدان سوڭ وسى قالپىنداعى استانا بوپ قالا ما، قالماي ما دەپ الاڭدايمىن...
37.اگرونوم اقىماق بولسا – جەر ازادى...
38.بىزدەر دەمالىس كۇندەرى دەم المايمىز، كەرىسىنشە شارشايمىز.
39.قوناققا بارۋ دا – ونەر.
40.تامادادان باسقانىڭ قوناققا از بارعانى – جاقسى.
41.ساحنا - كيەلى ورىن. ابايلاماساڭ، كيەسى ۇرادى.
42.بالەتكە بارىپ، بارىن سالعان بالەروندى كورگەندە – ونەرگە كەلگەنىمە ۇيالام.
43.وپەراعا بارعاندا – ەستراداعا جانىم اشيدى.
44.«مەن دە تالانتپىن» دەپ ايتايىن دەسەم، ابايدان ۇيالام...
45.اقىلدىلىق جاسقا بايلانىستى ەمەس ەكەن.
46.تاڭەرتەڭگى وي – تۇنىق بولادى.
47.اراق ىشكەندە «دەنساۋلىق ءۇشىن» دەپ ءىشىپ جاتادى. وتە دۇرىس. اراق ءىشۋ ءۇشىن دە - دەنساۋلىق قاجەت.
48.كۇنشىلدىك پەن قىزعانىش – توپاستىقتان تۋادى.
49.ترۋبكا – پونت. سيگارەت – ادەت. جامان ادەت. بىراق ودان ارىلۋدىڭ جولىن مەن بىلمەيمىن. بىلگىم دە كەلمەيدى.
50.بيىك وكشە كيگەن قىزدىڭ ويى – الاسا.
51.ەنەسىنە ەرەگەسكەن كەلىن – ەرنىن ۇلكەيتەدى.
52.ەنەسىنەن جىلاعانداردى بىلەمىن،
ەنەسىنە جىلاعانداردى بىلمەيمىن.
53.قاتىنىن ماقتاعان – قارتايعاندىقتىڭ بەلگىسى.
54.قازاق سوعىم سويعاندا – جارتىسىن وزدەرىنە، جارتىسىن قوناقتارى ءۇشىن سويادى.
55.ارقانىڭ بورانى – امالسىز اراق ىشتىرەدى.
56.قازاق تويعا بارعاندا باس تارتپاعانىنا رەنجىمەيدى، ميكروفون بەرمەگەنىنە رەنجيدى.
57.بۇگىندە تەلەفون – تۇمارىڭ. تۇمارىڭنان ايىرىلۋىڭ مۇمكىن، تەلەفوننان ايىرىلۋ مۇمكىن ەمەس.
58.سمس جازعاندا – ەس بولمايدى.
59.كوڭىلشەك قىز – كوپشىل بولادى.
تالعات تەمەنوۆ
Abai.kz
