جۇما, 29 ناۋرىز 2024
دەپ جاتىر 5166 40 پىكىر 27 اقپان, 2018 ساعات 09:30

پرەزيدەنت قول قويعان زاڭ كۇشتى مە، الدە، باحمۋتوۆانىڭ جارلىقتارى كۇشتى مە؟

قر پرەمەر-ءمينيسترى باقىتجان ساعىنتاەۆ مىرزاعا،

قر باس پروكۋرورى قايرات قوجامجاروۆ مىرزاعا.

                                                       اشىق حات

2017 جىلدىڭ 25 جەلتوقسانىندا قر كەيبىر زاڭدارىمەن زاڭنامالىق اكتىلەرىنە وزگەرىستەر ەنگىزۋ تۋرالى № 122-V1 زرك زاڭعا پرەزيدەنت قول كويدى. وسى زاڭنىڭ 38 پۋنكتىندە مىندەتتى الەۋمەتتىك ساقتاندىرۋ 2020 جىلدىڭ قاڭتارىنان باستاپ كىرگىزىلەدى دەپ كورسەتىلگەن. ماعان وسى زاڭنىڭ ورىندالۋ بارىسى تۇسىنىكسىز بولىپ وتىر، سەبەبى زاڭ قابىلدانعاننان كەيىن ۇكىمەت تاراپىنان ول زاڭدى ىسكە اسىرۋ شارالارى قاراستىرىلۋى قاجەت ەمەس پە؟

قانشا ىزدەسەم دە وسى ماسەلەگە قاتىستى ۇكىمەتتىڭ قاۋلىسىن تابا المادىم. مۇمكىن، دەنساۋلىق ساقتاۋ ءمينيسترىنىڭ بۇيرىعى شىققان بولار دەپ دەنساۋلىق ساقتاۋ ءمينيسترىنىڭ بۇيرىعىن ىزدەدىم، بىراق ونداي بۇيرىقتى دا تابا المادىم. دەمەك، دەنساۋلىق ساقتاۋ سالاسىنىڭ 2018, 2019 جىلداردا قالاي جۇمىس جاسايتىنى ناقتىلانباي وتىر. رەسپۋبليكانىڭ 2018-2020 جىلدارعا ارنالعان بيۋدجەتى 2017 جىلدىڭ 30 قاراشاسىندا №113-V1 زرك زاڭىمەن بەكىتىلدى. بۇل بيۋدجەتتى دايىنداعان كەزدە ساقتاندىرۋ قورىنىڭ  جۇمىسى 2018 جىلدان باستالادى دەپ ەسەپتەلگەن بولۋى كەرەك. ولاي دەۋگە نەگىز رەتىندە كەلتىرەتىن  مىسالىم -  ءبىزدىڭ ماڭعىستاۋ وبلىسى بويىنشا 2018 جىلعا دەنساۋلىق ساقتاۋ  سالاسىنا قاراستىرىلعان قاراجات 2,8 ملرد.تەڭگە، ال 2017 جىلى 10,2 ملرد. تەڭگە بولعان ەكەن.

ناقتى جاعداي قالاي بولىپ جاتقانىن كورىپ وتىرمىز. بۇرىنعى مەديتسينالىق قىزمەتكە اقى تولەۋ كوميتەتىنىڭ وبلىستىق فيليالى تاراتىلۋ الدىندا، قىزمەتكەرلەرىنىڭ كوپشىلىگى جۇمىستان شىققان، وتكەن جىلدىڭ ەسەبىن جابۋ ءۇشىن ءبىر-ەكى ەسەپ قىزمەتكەرلەرى قالعان.

ەسەسىنە، باحمۋتوۆا حانىم، الەۋمەتتىك مەديتسينالىق ساقتاندىرۋ قورىنىڭ وبلىستىق فيليالىنىڭ شتاتىن تولىقتىرىپ، جۇمىسقا مامانداردى الىپ بولدى. قازىر وسى فيليال ەمدەۋ ورىندارىمەن شارت جاساسىپ، ەندىگى جەردە قاراجاتتى بىزدەن الاسىزدار دەپ وتىر. وسى جاعدايدان كەيىن مىناداي سۇراق تۋىندايدى - پرەزيدەنت قول قويعان زاڭ كۇشتى مە، الدە، باحمۋتوۆانىڭ جارلىقتارى كۇشتى مە؟ ساقتاندىرۋ قورى جۇمىسقا كىرىسىپ كەتتى عوي.

مىنە، اقپان ايىنىڭ اياقتالۋى جاقىن، ال دەنساۋلىق ساقتاۋ سالاسىنىڭ جۇمىسى ءالى ناقتىلانباي وتىر.  2020 جىلعا دەيىن دەنساۋلىق ساقتاۋ سالاسىنىڭ بۇرىنعى جۇيەسى ساقتالۋى كەرەك ەمەس پە ەدى؟ بيۋدجەتكە وزگەرىستەر ەنگىزۋ قاجەت بولماي ما، ءبىزدىڭ وبلىستىڭ دەنساۋلىق ساقتاۋ سالاسى 2,8 ملرد.تەڭگەمەن كانداي قاجەتىن وتەي الادى؟

قۇرمەتتى باسشىلار، سىزدەردەن وسى ماسەلەگە كوڭىل اۋدارىپ، ناقتىلايدى دەپ سەنىم بىلدىرەمىز.

ىرگەباي جارىلعاسىنوۆ، زەينەتكەر دارىگەر

ماڭعىستاۋ وبلىسى، اقتاۋ قالاسى

Abai.kz

40 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3541