سارسەنبى, 30 قىركۇيەك 2020
COVID-19 قازاقستاندا. جۇقتىرعاندار — 107833. جازىلعاندار — 102805. قايتىس بولعاندار — 1725
2326 0 پىكىر 28 اقپان, 2018 ساعات 08:41

ۆاشينگتوندا بوريس نەمتسوۆ اتىنداعى الاڭ اشىلدى.

ءۇش جىل بۇرىن اتىپ ولتىرىلگەن رەسەيلىك وپپوزيتسيونەر بوريس نەمتسوۆ اتىنداعى الاڭ ۆاشينگتوندا اشىلدى.

رەسەي ەلشىلىگى الدىنداعى ۆيسكونسين-اۆەنيۋدەگى الاڭقايعا نەمتسوۆ ەسىمىن بەرۋ تۋرالى ۇسىنىس 2016 جىلى ءتۇسىپ، بيىل قاڭتاردا ونى ۆاشينگتون قالالىق كەڭەسى بەكىتكەن.

الاڭنىڭ سالتاناتتى اشىلۋ شاراسىنا ساياساتكەردىڭ قىزى جاننا نەمتسوۆا، ارىپتەسى ۆلاديمير كارا-مۋرزا، ۇسىنىس اۆتورى ماركو رۋبيو، حەلسينكي كوميسسياسىنىڭ تەڭ توراعاسى سەناتور رودجەر ۋيكەر جانە باسقا دا رەسمي تۇلعالار قاتىستى.

رەسەي شەنەۋنىكتەرى اقش استاسىنداعى ەلشىلىك ماڭىندا مۇنداي ورىننىڭ پايدا بولۋىن جاقتىرماي قالدى، دەپ حابارلادى "گولوس امەريكي". اتاپ ايقتاندا، مەملەكەتتىك دۋمانىڭ حالىقارالىق ىستەر جونىندەگى كوميتەتىنىڭ توراعاسى لەونيد سلۋتسكي بيىل قاڭتار ايىندا مۇنداي ۇسىنىستى رەسەي بيلىگىنە قارسى باعىتتالعان دورەكى ارەكەت دەگەن.

Abai.kz

0 پىكىر