شاحانوۆ قۇسقان ەكەن دەپ، ءبىز دە زاپىرانداتۋىمىز كەرەك پە؟ ەل سەكىلدى سۇق ساۋساعىمدى اۋىزعا كۇشتەپ تىعىپ، جۇرەكتى لوقسىتۋدىڭ قانشالىق قاجەتى بارىن بىلمەي وتىرمىن! اۋىز سونىكى، ايتا بەرسىن! ونىڭ ويبايىنان بىردەمە شەشىلەر بولسا، بۇكىل قازاق دالاسى قازاقشا سويلەپ كەتەر ەدى.

شاحانوۆ دەگەن ءبىزدىڭ قوعامنىڭ دەڭگەي-تارازىسى عوي)))). قوعامىڭ قانداي بولسا، تۇلعاڭ دا سونداي! "مەنەن وزگەنىڭ اۋزى ساسىق" دەۋ - ونىڭ جەكە پىكىرى. بولدى، ءبىتتى... ال، ءبىز ونىڭ دا اۋزىنان بال تامىپ تۇرماعانىن ايتىپ، قىزىلكەڭىردەك بولعاننان نە ۇتامىز؟

مەن شاحانوۆشىلاردى دا، مۇقاعاليشىلاردى دا قولداي المايدى ەكەنمىن. مۇقاعالي ءسىز بەن ءبىزدىڭ شىرىلىمىزعا مۇقتاج ەمەس. ونىڭ جاي عانا ولەڭىنىڭ ءبىر جولىنا شاحانوۆ پەن ءورازاليننىڭ (كەيبىر اعالارىم بۇل ولەڭنىڭ جاريالانۋىنا ءورازاليننىڭ قاتىسى جوقتىعىن ايتادى. بىراق، وداقتاعى كەرىستەن كەيىن شىققان شۋعا اقىن اعامىزدىڭ قاتىسى بار شىعار دەگەن كۇدىگىم بار) بۇكىل اتقارعان قوعامدىق جۇمىسى مەن شىعارماشىلىعىن تەڭ قويۋعا كەلمەيدى. سوندىقتان دا، "اناۋ" دەپ، "مىناۋ" دەپ كوسەمسىمەي-اق قويساق قايتەدى؟ 

قىسقاسىن ايتقاندا ورازالين مەن شاحانوۆتىڭ توبەلەسىنە ماقاتاەۆتى تورەشى ەتپەۋلەرىڭىزدى سۇرايمىن!

قانات ابىلقايىر

Abai.kz