"امىرە" ءفيلمىن كوردىم. ءوزىمىز ءوزىمىز بولعالى ءبىرىنشى رەت ورىس يدەولوگتارىنىڭ قاتىسۋىنسىز تۇسىرىلگەندىگى انىق بايقالدى. سوعان قۋاندىم.

فيلمدە ورىستاردىڭ ءرولىن ريگالىقتار ويناعان. بارىنشا سول زاماننىڭ شىندىعىن بەرۋگە تىرىسقان، تىم جاقسى تالپىنىستى كوردىم. ورىستاردى رەنجىتىپ الامىز دەگەن جاسقانشاقتىقتان، سولار سياقتى ءتۇسىرىپ، سولاردى قايتالاۋدان ارىلۋعا تالپىنىس. ورىستاردىڭ قازاقتاردى مەنسىنبەي، سوڭعى ادام ساناعاندارىنا دەيىن بەرۋگە تىرىسقان. اششى شىندىق.

تىلدەرى ورىسشا شىعىپ، سانا-سەزىمدەرى ورىسشا قالىپتاسقاندارعا كورسەتەتىن وسى سياقتى اشتىق، رەپرەسسيا قۇرباندارى مەن ءىى دۇنيەجۇزىلىك سوعىستا قازاقتىڭ قىلشىلداعان جاستارىن ەت تارتقىشقا سالعانداي تۋراعان رجەۆ، ستالينگراد، كۋرسك دۋگاسى تۇبىندەگى كەسكىلەسكەن شايقاستارداعى شىندىقتار شىنايى كورسەتىلگەن شىنشىل فيلمدەر كوبىرەك تۇسىرىلسە دەگەن ويدا بولدىم.

ءفيلمدى كورىپ شىعىپ بارا جاتقاندا كورەرمەندەردىڭ رەپليكالارىنان دا سونى ۇقتىم. سوندىقتان بۇل ءفيلمدى وسى جولداعى العاشقى تالپىنىس دەپ قابىلدادىم.

باقىت جانشاەۆا

Facebook-تەگى پاراقشاسىنان