چارلي ءچاپليننىڭ كۇندەلىكتەگى جازبالارى
«بىردە مەن نيۋ-يورك مەتروسىنىڭ ەلەكتر پويىزىمەن ءجۇرىپ وتكەنىم بار. ۇيگە كەلگەندە، مەن ءوز قالتامنان التىن ساعات تاۋىپ الدىم. بۇل باعالى زاتتىڭ قالتاما قالاي ءتۇسىپ كەتكەنىنە اقىلىم جەتپەدى دە، مەن ونى پوليتسيا بولىمشەسىنە اپارىپ وتكىزدىم» - دەپ جازادى ايگىلى كوميك چارلي چاپلين.
«كەلەسى كۇنى پوشتا تاسۋشى ماعان حات اكەلىپ بەردى. وندا "قۇرمەتتى، چاپلين مىرزا! سىزگە حات جازىپ وتىرعان - كاسىپقوي قالتا ۇرىسى. كەشە مەترودا مەن ءبىر داۋلەتتى ادامنىڭ التىن ساعاتىن قاقشىپ كەتكەن ەدىم. مەترودا ءسىزدى كەزدەستىردىم دە، ءبىر سىيلىق جاساماق بوپ، قالتاڭىزعا بىلدىرمەي عانا سالىپ جىبەردىم. قابىل الىڭىز!" دەپ جازىلعان ەكەن»
«ارادا جىل ءوتتى. پوليتسيا ۇرىنى دا، ساعاتتىڭ يەسىن دە تابا المادى. سوسىن، امال جوق، الگى التىن ساعاتتى وزىمە قايتا جولداعان ەكەن. بۇل وقيعا جايىندا گازەتتەر بىرنەشە مارتە جازدى دا. مىنە، قىزىق! بىرنەشە كۇن وتكەن سوڭ، تاعى ءبىر حات الدىم. وندا بىلاي دەپ جازىلعان ەكەن. «قۇرمەتتى، چاپلين مىرزا! ءبىر جىل بۇرىن مەن مەترودا التىن ساعاتىمدى ۇرلاتىپ العان ەدىم. گازەتتەردەن بەلگىسىز ءبىر ۇرى ول ساعاتتى سىزگە سىيلاعانى جونىندە وقىدىم. سول ساعات سىزدە قالسا ەكەن دەپ تىلەيمىن. مەن ءسىزدىڭ تالانتىڭىزدى قالتاقاعار ۇرىدان دا ارتىق باعالاي الاتىنىمدى بىلدىرگىم كەلەدى. سونىڭ ايعاعى رەتىندە، ءسىزدىڭ التىن ساعاتىڭىزعا التىن باۋ بەرىپ جىبەرىپ وتىرمىن»»
بۇل جولدار ايگىلى اكتەردىڭ كۇندەلىگىندەگى جازبالار.
چارلي چاپلين 1889 جىلى 16-ساۋىردە دۇنيەگە كەلگەن.
قانات ەسكەندىردىڭ Facebook-تەگى پاراقشاسىنان
Abai.kz
