قالا پروكۋرورى م. مىرزاقۇلوۆتىڭ ايتۋىنشا، ۇستىمىزدەگى جىلدىڭ ءبىرىنشى توقسانىندا پروكۋرورلىق ىقپال ەتۋ اكتىلەرىمەن 21 ادامنىڭ كونستيتۋتسيالىق قۇقىقتارى قورعالىپتى. ماسەلەن، «اتىراۋ مەتالپروكات زاۋىتى» جشس قىزمەتكەرلەرىنىڭ ارىزى نەگىزىندە اتالمىش سەرىكتەستىكتەگى ەڭبەك زاڭناماسىنىڭ ساقتالۋىنا جۇرگىزىلگەن تەكسەرۋ جشس باسشىلارىنىڭ تومەندەگىدەي زاڭ بۇزۋشىلىقتارعا جول بەرگەندىگىن انىقتادى.
جۇمىس بەرۋشى مەن ارىزدانۋشىلاردىڭ ارالارىندا 01.10.2008 جىلى جاساقتالعان №№20/2, 22/2 جانە 23/2 ساندى ەڭبەك شارتتارىنىڭ 5.2 تارماعىنا ساي، جالاقى جۇمىس بەرۋشىمەن ايىنا كەمىندە ءبىر رەت، كەلەسى ايدىڭ 26 كۇنىنەن كەشىكتىرىلمەي تولەنەتىنى كوزدەلگەن. الايدا، جشس ەڭبەكاقى بويىنشا بەرەجاعى 2008 جىلدىڭ قاراشا جانە جەلتوقسان ايلارىنا 336 000 تەڭگە (س.يلياسوۆقا - 176 000 تەڭگە، ت.ەرعوجينگە - 80 000 تەڭگە، ر.سەريكباەۆقا - 80 000 تەڭگە) قۇراعان، ال ادجيپ قكو كومپانياسىمەن كۇن سايىن قازاقستان جۇمىسشىلارىنا تولەنەتىن ۇستەماقىسى 78 000 تەڭگە (س.يلياسوۆقا - 26 000 تەڭگە، ت.ەرعوجينگە - 26 000 تەڭگە، ر.سەريكباەۆقا - 26 000 تەڭگە) قۇراپتى.
انىقتالعان زاڭ بۇزۋشىلىقتار بويىنشا قالا پروكۋراتۋراسى اتالعان شارۋاشىلىق سۋبەكتىنىڭ باسشىلىعىنا زاڭ بۇزۋشىلىقتى جويۋ تۋرالى ۇسىنىس ەنگىزىپ، جوعارىدا كورسەتىلگەن سومالار الاجاق قىزمەتكەرلەرگە تولىعىمەن ءوندىرىلىپ بەرىلدى.

قالا پروكۋرورى م. مىرزاقۇلوۆتىڭ ايتۋىنشا، ۇستىمىزدەگى جىلدىڭ ءبىرىنشى توقسانىندا پروكۋرورلىق ىقپال ەتۋ اكتىلەرىمەن 21 ادامنىڭ كونستيتۋتسيالىق قۇقىقتارى قورعالىپتى. ماسەلەن، «اتىراۋ مەتالپروكات زاۋىتى» جشس قىزمەتكەرلەرىنىڭ ارىزى نەگىزىندە اتالمىش سەرىكتەستىكتەگى ەڭبەك زاڭناماسىنىڭ ساقتالۋىنا جۇرگىزىلگەن تەكسەرۋ جشس باسشىلارىنىڭ تومەندەگىدەي زاڭ بۇزۋشىلىقتارعا جول بەرگەندىگىن انىقتادى.
جۇمىس بەرۋشى مەن ارىزدانۋشىلاردىڭ ارالارىندا 01.10.2008 جىلى جاساقتالعان №№20/2, 22/2 جانە 23/2 ساندى ەڭبەك شارتتارىنىڭ 5.2 تارماعىنا ساي، جالاقى جۇمىس بەرۋشىمەن ايىنا كەمىندە ءبىر رەت، كەلەسى ايدىڭ 26 كۇنىنەن كەشىكتىرىلمەي تولەنەتىنى كوزدەلگەن. الايدا، جشس ەڭبەكاقى بويىنشا بەرەجاعى 2008 جىلدىڭ قاراشا جانە جەلتوقسان ايلارىنا 336 000 تەڭگە (س.يلياسوۆقا - 176 000 تەڭگە، ت.ەرعوجينگە - 80 000 تەڭگە، ر.سەريكباەۆقا - 80 000 تەڭگە) قۇراعان، ال ادجيپ قكو كومپانياسىمەن كۇن سايىن قازاقستان جۇمىسشىلارىنا تولەنەتىن ۇستەماقىسى 78 000 تەڭگە (س.يلياسوۆقا - 26 000 تەڭگە، ت.ەرعوجينگە - 26 000 تەڭگە، ر.سەريكباەۆقا - 26 000 تەڭگە) قۇراپتى.
انىقتالعان زاڭ بۇزۋشىلىقتار بويىنشا قالا پروكۋراتۋراسى اتالعان شارۋاشىلىق سۋبەكتىنىڭ باسشىلىعىنا زاڭ بۇزۋشىلىقتى جويۋ تۋرالى ۇسىنىس ەنگىزىپ، جوعارىدا كورسەتىلگەن سومالار الاجاق قىزمەتكەرلەرگە تولىعىمەن ءوندىرىلىپ بەرىلدى.
سونىمەن قاتار، قالا پروكۋراتۋراسى حالىقتىڭ كوشى-قونى تۋرالى زاڭناماسى بويىنشا اتىراۋ وبلىسى اكىمياتىنىڭ جانىنداعى شەتەلدىك جۇمىس كۇشىن تارتۋعا رۇقسات بەرۋ كوميسسياسىنا زاڭ بۇزۋشىلىقتى جويۋ تۋرالى 2 ۇسىنىس ەنگىزىلدى. قازىرگى تاڭدا ۇسىنىستار قارالۋ بارىسىندا.
اتاپ ايتقاندا، «بي ەند دابل يۋ فليۋيد دايناميكس ينك» كومپانياسىنىڭ اتىراۋ قالاسىنداعى فيليالىندا قازاقستان رەسپۋبليكاسىنىڭ «حالىقتىڭ كوشى-قونى تۋرالى» زاڭىنىڭ تالاپتارىن، سونىمەن قاتار قازاقستان رەسپۋبليكاسىنا شەتەلدىك جۇمىس كۇشىنىڭ اكەلىنۋ ءتارتىبى مەن شارتتارىن ساقتامايتىنى انىقتالىپ وتىر. جۇمىسقا قابىلدانعان شەتەل ماماندارى، ۋاكىلەتتى ورگاننىڭ بەكىتكەن تىزىمىندە كورسەتىلگەن كۆاليفيكاتسيالىق تالاپتارعا سايكەس كەلمەي، ولار جۇمىستارىن باسقا ماماندىقتار بويىنشا اتقارىپ جاتقانى مۇندا دا ورىن العان فاكت.
مىسالى، كومپانياداعى №2565 ساندى 14.11.2008 جىلعى قازاقستان رەسپۋبليكاسىنا شەتەلدىك جۇمىس كۇشىن تارتۋعا ارنالعان رۇقساتىنا سايكەس اقش ەلىنىڭ ازاماتى توماس ۆيليام ماكگلەيد تەحنيكالىق باسشى رەتىندە جۇمىس اتقارۋى ءتيىس. الايدا، تەكسەرۋ بارىسىندا ول، ناقتىسىندا، سۋپەرۆايزەر قىزمەتىن اتقارىپ كەلگەندىگى انىقتالعان.
سونىمەن قاتار، №00437 ساندى 19.10.2007 جىلعى قازاقستان رەسپۋبليكاسىنا شەتەلدىك جۇمىس كۇشىن تارتۋعا ارنالعان رۇقساتىنا سايكەس اقش ەلىنىڭ ازاماتتارى توماس دجەيمس فلوۋلەي، دجوناتان ۆەستبرۋك راين، دەۆيد كەنت ۋايت، ساممەرفيلد يۋنيور، فيلليپ دەيپ جانە №00514 ساندى 07.12.2007 جىلعى رۇقساتىنا ساي دجەرري الان تاكەر، توماس ۆيليام ماكگلەيد تەحنيكالىق باسشىلار (ونەركاسىپتە) بولا تۇرا، اتالعان تۇلعالاردىڭ بارلىعى سول ۋاقىتتاردا ناقتىسىندا ۋچاسكە شەبەرى (ماستەر) رەتىندە جۇمىس اتقارعان.
بۇدان باسقا، №000831 ساندى 03.11.2006ج. قازاقستان رەسپۋبليكاسىنا شەتەلدىك جۇمىس كۇشىن تارتۋعا ارنالعان رۇقساتىن بەرۋ كەزىندە ۋاكىلەتتى ورگان ەرەكشە شارتى بويىنشا جۇمىس بەرۋشىگە قازاقستاندىق ازاماتتار ءۇشىن 4 قوسىمشا ورىندارىن قۇرۋ جانە شەتەلدىك جۇمىس كۇشى تارتىلاتىن ماماندىقتار بويىنشا 18 قازاقستاندىق ازاماتتاردى دايارلاۋ، قايتا دايارلاۋ جانە ولاردىڭ بىلىكتىلىگىن ارتتىرۋدى مىندەتتەگەن.
الايدا، تەكسەرۋ بارىسىندا كومپانيامەن ەرەكشە شارتى - شەتەلدىك جۇمىس كۇشى تارتىلاتىن ماماندىقتار بويىنشا قازاقستاندىق ازاماتتاردى دايارلاۋ، قايتا دايارلاۋ جانە ولاردىڭ بىلىكتىلىگىن ارتتىرۋ كۇنى بۇگىنگە دەيىن ورىندالماعاندىعى انىقتالدى، ياعني 18 قازاقستاندىق ازامات تەحنيكالىق باسشى (ونەركاسىپتە) (حيميالىق تازارتۋ، قىسىم ءتۇسىرۋ، يمپۋلستىك تازارتۋ) دەگەن لاۋازىمى بويىنشا دايارلاۋدان وتپەگەن.
جوعارىدا ايتىلعانداردىڭ نەگىزىندە، قازاقستان رەسپۋبليكاسى ۇكىمەتىنىڭ 2001 جىلعى 19 ماۋسىمداعى № 836 «حالىقتى جۇمىسپەن قامتۋ تۋرالى» قازاقستان رەسپۋبليكاسىنىڭ 2001 جىلعى 23 قاڭتارداعى زاڭىن ىسكە اسىرۋ جونىندەگى شارالار تۋرالى قاۋلىسىنىڭ 46 تارماعىنىڭ 2 جانە 3 تارماقشالارىنا سايكەس، جۇمىس بەرۋشى وسى ەرەجەدە كوزدەلگەن رۇقسات بەرۋدىڭ ەرەكشە شارتتارىن ورىنداماعان جانە شەتەلدىك قىزمەتكەردى رۇقساتتا كورسەتىلگەن لاۋازىمعا (كاسىپ نەمەسە ماماندىققا) سايكەس كەلمەيتىن لاۋازىمعا (كاسىپ نەمەسە ماماندىققا) تارتقان جاعدايدا ۋاكىلەتتى ورگانىمەن رۇقساتتى كەرى قايتارىپ الۋعا نەگىز بولىپ تابىلادى، دەپ كورسەتىلگەن.
وسىعان بايلانىستى، قالا پروكۋراتۋراسى زاڭ بۇزۋشىلىقتاردىڭ بولۋىنا ىقپالىن تيگىزەتىن ءمان-جايلاردى جويۋدى جانە ولاردى الداعى ۋاقىتتا بولدىرماۋدىڭ شارالارىن قابىلداۋدى، ول ءۇشىن «بي ەند دابل يۋ فليۋيد دايناميكس ينك» كومپانياسىنىڭ اتىراۋ قالاسىنداعى فيليالىنا بەرىلگەن №№2563, 2564, 2565, 2566,2567 ساندى 14.11.2008 جىلعى قازاقستان رەسپۋبليكاسىنا شەتەلدىك جۇمىس كۇشىن تارتۋعا ارنالعان رۇقساتتارىن كەرى قايتارىپ الۋ جونىندە ۇسىنىس ەنگىزدى.
- بۇل باعىتتا جۇمىستار ءالى دە جالعاسۋدا،-دەدى قالا پروكۋرورى، - ناقتى مىسال كەلتىرەتىن بولساق، تەكسەرۋ قورىتىندىسىمەن قازىرگى ۋاقىتتا 300-گە جۋىق ازاماتتىڭ كونستيتۋتسيالىق قۇقىقتارىن قورعاۋ ماقساتىندا جۇمىستانۋدامىز – ياعني، ولاردىڭ پايداسىنا 50 ميلليون تەڭگەدەن استام ەڭبەكاقى بويىنشا بەرەجاقتى ءوندىرۋ ءۇشىن ۇسىنىستار ەنگىزدىك.
سونداي-اق، بۇگىنگى تاڭدا شەتەل ازاماتتارىنىڭ كۇشىن تارتۋ جونىندەگى 4 شەتەل كومپانياسىنىڭ رۇقسات قۇجاتتارىن قايتارۋ جونىندە ۇسىنىستار قارالۋدا.

ە. تاڭباەۆا.
«اتىراۋ» وبلىستىق گازەتى