جۇما, 29 ناۋرىز 2024
ادەبيەت 4556 21 پىكىر 3 شىلدە, 2018 ساعات 13:53

استانا مەرەيتويىنا ارنالعان ءمۇشايرانىڭ باس جۇلدەسىن قازىبەك يسا جەڭىپ الدى

«ەل تىرەگى – ەلوردا!» دەگەن ايدارمەن استانانىڭ 20 جىلدىق تويىنا ارنالعان بيىلعى ءمۇشايرا دا ءوز مارەسىنە جەتتى. بيىلعى الامان جىر بايگەسىنە رەسپۋبليكامىزدىڭ تۇكپىر-تۇكپىرىنەن 90-عا جۋىق ۇلكەندى-كىشىلى اقىندار قاتىستى.

بارلىعى دا اعىنان جارىلىپ، استانا تويىن جان-جاقتى جارقىراتا جىرلاۋعا بارىن سالدى. بايگەگە تۇسكەن جىرلاردى مەملەكەتتىك سىيلىقتىڭ لاۋرەاتى، كورنەكتى جازۋشى قاجىعالي مۇحانبەتقاليۇلى توراعالىق ەتكەن قازىلار القاسى ساراپتاي، سارالاي كەلە ءبىراۋىزدان مىنا شەشىمگە كەلدى:

باس جۇلدەگە كورنەكتى اقىن، حالىقارالىق الاش ادەبي سىيلىعىنىڭ يەگەرى قازىبەك يسانىڭ «ەرتەگىدەي ەلوردا» ولەڭىن لايىق دەپ تاپتى.

– بۇكىل اقىندار دۇلدۇلدەر وزدەرىنىڭ ولەڭدەرىن ارنادى. الامان بايگە دەۋگە بولادى. ارقايسىسى بۇل بايگەدە وزعىسى كەلەدى. بيىلعى جىلى قۇداي قولداپ، باس بايگەنى بەرەدى ەكەن، – دەدى ءوز كەزەگىندە  اقىن قازىبەك يسا 31 ارنا تىلشىسىنە بەرگەن سۇحباتىندا.

ءبىرىنشى ورىن تالانتتى اقىن قىزىمىز، قازاقستاننىڭ ەڭبەك سىڭىرگەن قايراتكەرى ساۋلە دوسجاننىڭ «سالەم ساعان، استانا» ولەڭىنە بەرىلدى.

ەكىنشى ورىننىڭ ءبىرىن ايگىلى ايتىس اقىنى، قازاقستاننىڭ ەڭبەك سىڭىرگەن قايراتكەرى، فيلولوگيا عىلىمدارىنىڭ دوكتورى امانجول ءالتاي «جيىرما جاسقا جيىرما شۋماق» جىرىمەن، ەكىنشىسىن اقتانگەر اقىن، قازاقستاننىڭ ەڭبەك سىڭىرگەن قايراتكەرى داۋلەتكەرەي كاپۇلى «اي ديدارلى استانام» ولەڭىمەن قانجىعاسىنا بايلادى.

ءۇشىنشى ءۇش ورىندى جاس اقىندار مۇقيات قويشىبايۇلى «استانا»، ءبىرجان احمەر «التىن كەمە»، نۇربول مۇراتبەك «كوزىمنىڭ قاراشىعى» ولەڭدەرىمەن ءبولىستى.

Abai.kz

21 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3601