ەلباسى «قازاقستان-2050» ستراتەگياسىندا دەموگرافيالىق ماسەلەگە ايرىقشا كوڭىل اۋدارعان. دەموگرافيالىق جاعداي قازاقستان ءۇشىن ارقاشان دا ماڭىزدى ماسەلەلەردىڭ ءبىرى بولىپ قالا بەرەدى.

سونىمەن، ەلىمىزدە بالا تۋ كورسەتكىشى ايتارلىقتاي وسكەن. ستاتيستيكا سولاي سويلەيدى. سوڭعى ون جىلدا 21%-عا ارتىپتى.

بىلتىر دۇنيە ەسىگىن 400 مىڭ ءسابي اشقان. ءاربىر 100 قىزعا، 107 ۇلدان كەلەدى. ونىڭ ىشىندە 226 مىڭ بالا قالالىق جەردە تۋىلسا، اۋىلدا 163 مىڭى تۋىلىپتى.

سونداي-اق قازاقستان بويىنشا ەڭ جوعارعى تۋ دەڭگەيى ماڭعىستاۋ مەن وڭتۇستىك قازاقستان وبلىستارىندا تىركەلگەن. ونداعى پەرزەنتحانالاردا جىلىنا مىڭ ادامعا شاققاندا 29 ءسابي تۋىلادى. سولتۇستىك قازاقستان وبلىسى بولسا كوشتەن قالىپ، مىڭ ادامعا نەبارى 13-اق نارەستە بار.

سونداي-اق ماماندار كوبىنەسە ورتالىققا بوسانۋعا كەلگەن ايەلدەردىڭ جاسى ورتاشا ەسەپپەن 28-ءدى قۇرايدى دەيدى.

ساراپشىلاردىڭ مالىمەتىنشە، ەلىمىزدە بالا تۋ كورسەتكىشى 2013-15 جىلدار ارالىعىندا ءبىر قالىپتى بولعان. ال، وسى جىلى كىشكەنتاي قازاقستاندىقتاردىڭ سانى ەداۋىر ارتا باستاپتى.

جانە ءبىر دەرەككە كوز جۇگىرتسەك، قازاقستاندا 113 سەكۋند سايىن ءبىر ادام دۇنيەگە كەلىپ، 200 سەكۋند سايىن ءبىر ادام قايتىس بولادى ەكەن. مۇنداي ستاتيستيكانى "countrymeters.info" سايتىنان كورۋگە بولادى، بۇل جەردە الەمنىڭ كەز كەلگەن ەلىندەگى حالىق سانى مەن وزگە دە دەموگرافيالىق جانە الەۋمەتتىك پروتسەستەردىڭ وزگەرۋ ديناميكاسى كورسەتىلگەن.

ال 2017 جىلى قازاقستان رەسپۋبليكاسىندا ازاماتتىق حال اكتىلەرىن تىركەۋ ورگاندارى ومىرگە ءسابي الىپ كەلگەن 390 262 ادامدى تىركەدى، سونىڭ ىشىندە قالالىق جەرلەردە – 226 847 ادام، اۋىلدىق جەرلەردە – 163 415 ادام. تۋعانداردىڭ 51,7%-ى (201 756) – ەر بالا، ال 48,3%-ى (188 506) – قىز بالا. استانا قالاسى ەلىمىزدە بالا تۋ كورسەتكىشى بويىنشا ەكىنشى ورىندا.

Abai.kz