فراكتسيا وتىرىسىنىڭ كۇن تارتىبىندە «ەلباسىنىڭ 5 الەۋمەتتىك باستاماسىنىڭ» ىسكە اسىرىلۋى جانە «قازاقستان – 2021 سايلاۋالدى باعدارلاماسىنىڭ»  ءبىلىم باعىتىنىڭ ورىندالۋى تۋرالى ماسەلە قارالدى.

كەز-كەلگەن ادام ءوز بولاشاعىنىڭ جارقىن بولعانىن جانە دامىعان مەملەكەتتە   الاڭسىز ءومىر سۇرگەندى قالايدى. ول ءۇشىن ءاربىر ادام ءىلىم-بىلىمگە ۇمتىلىپ، ءوز وتانىنىڭ قارىشتاپ دامۋىنا بار كۇش-جىگەرلەرىن سالۋى كەرەك. ال، بۇل تۇرعىدا ءبىزدىڭ مەملەكەتىمىز ازاماتتارعا بارىنشا قولداۋ كورسەتىپ، ءبىلىم الۋلارىنا، ولاردىڭ ءوز الدىنا دامۋىنا ءتۇرلى جاعدايلار جاساۋدا. سونىڭ ءبىرى ءارى بىرەگەيى رەتىندە  «پرەزيدەنتتىڭ 5 الەۋمەتتىك باستاماسىن»  ايتساق بولادى. ەلباسىمىز كوتەرگەن 5 الەۋمەتتىك باستاما ەلدەگى كەز-كەلگەن ازاماتتىڭ دامۋىنا جاسالعان ۇلكەن قولداۋ.

بۇگىندە جەكە كاسىپ اشىپ، ءوز جۇمىسىن وركەندەتۋدى ويلايتىن ازاماتتار ءۇشىن ەلباسى ۇندەۋىندە ايتىلعان ءتورتىنشى باستامادا شاعىن نەسيە بەرۋدى كوبەيتۋ باستاماسىنىڭ بەرەر كومەگى كوپ. ءدال وسى ءتورتىنشى باستامادا باسەكەگە قابىلەتتى بولۋدىڭ جولى كورسەتىلگەن. ەلباسى ءوز سوزىندە «ءوزىن-ءوزى ەڭبەكپەن قامتىعان جانە جۇمىسسىز تۇرعىنداردىڭ اراسىندا جاپپاي كاسىپكەرلىكتى دامىتۋ ءۇشىن اتقارىلىپ جاتقان جۇمىستاردىڭ اياسىندا جەڭىلدەتىلگەن شاعىن نەسيە بەرۋ نەعۇرلىم ءتيىمدى تەتىك سانالادى»، – دەدى. راسىندا، زاماناۋي قوعامداعى ەلدەردىڭ باسەكەگە قابىلەتتىلىگى كاسىپكەرلىكتىڭ دامۋىمەن ولشەنەدى.

سونداي-اق، شاعىن جانە ورتا بيزنەستى دامىتۋ – بۇگىنگى كۇننىڭ باستى تالابى.  وسى باستاما بويىنشا پرەزيدەنت بيىلعى جىلى قوسىمشا 20 ميلليارد تەڭگە ءبولىپ،ونىڭ ىشىندەگى 14 ملرد. تەڭگەنى شاعىن قالالار مەن اۋىلداردا  نەسيەلەندىرۋدى ۇلعايتۋعا ۇسىنىلدى. كاسىپكەرلىكتى قولداۋ ماقساتىندا شاعىن نەسيە بەرۋدى كوبەيتۋ باستاماسى كوپتەگەن جاندارعا  ءوزىنىڭ كاسىبىن اشۋعا سەپتىگىن تيگىزەدى دەگەن ويدامىن.

ەلباسىمىزدىڭ ءتورتىنشى باستاماسى «شاعىن نەسيە بەرۋدى كوبەيتۋ» باستاماسىنىڭ اۋدانىمىزدا ورىندالۋى بويىنشا اۋدان اكىمدىگىنىڭ كاسىپكەرلىك جانە ونەركاسىپ ءبولىمىنىڭ باسشىسى اۋدانبەك تاۋاساروۆ بايانداما جاسادى.

– قازىرگى تاڭدا اۋداندا شاعىن جانە ورتا كاسىپكەرلىك مارتەبەسىمەن 2152  سۋبەكتى  تىركەلگەن، ولاردىڭ 124-ءى شاعىن كاسىپورىن بولسا، 2028-ءى جەكە كاسىپكەر، ونىڭ ىشىندە، 773-ءى شارۋا قوجالىقتار بولىپ تابىلادى. تىركەلگەن سۋبەكتىلەردىڭ 1820-سى نەمەسە 84,5 پايىزى جۇمىس ىستەيدى.اۋدان بويىنشا شاعىن جانە ورتا كاسىپكەرلىك نىساندارىندا 5200 ادام جۇمىسپەن قامتىلعان.

ەلباسى ايتقان تاپسىرمالار كەزەڭ-كەزەڭىمەن ورىندالار بولسا، شاعىن نەسيە الۋ ارقىلى وتانداستارىمىز وزدەرىنىڭ جەكە بيزنەستەرىن دامىتۋعا مۇمكىندىك الادى.

"باسەكەگە قابىلەتتىلىكتىڭ باستى ولشەمى – بيزنەستە. ولاي بولسا، مەملەكەت ۇسىنعان مۇمكىندىكتى پايدالانا وتىرىپ، ەلىمىزدىڭ دامۋىنا بىرگە ۇلەس قوسايىق", - دەدى ول ءوز سوزىندە.

اۋدان اكىمدىگىنىڭ تۇرعىن ءۇي-كوممۋنالدىق شارۋاشىلىق جولاۋشىلار كولىگى جانە اۆتوموبيل جولدارى ءبولىمىنىڭ باس مامانى نۇربەك نيازبەك:

"قازاقستان رەسپۋبليكاسى پرەزيدەنتى ن.ءا.نازارباەۆتىڭ «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋىنىڭ بەسىنشى باستاماسىندا   «ەلدى گازبەن  قامتاماسىز ەتۋدى جالعاستى­رۋ»، - دەپ اتاپ وتكەن ەلباسىنىڭ وسى باستاماسىن قولداي وتىرا، تالاس اۋدانىندا 23 ەلدى مەكەن گازداندىرىلعان ەلدى مەكەندەردىڭ سانى 9, بۇل كورسەتكىش 39,1  پايىزدى قۇرادى ولار:  تامدى، س.شاكىروۆ، بوستاندىق، اققۇم، تالاپتى، تامابەك، تۇرىمقۇل، ويىق، سەيىلبەك ەلدى مەكەندەرى.

ال، گازداندىرىلماعان ەلدى مەكەندەردىڭ سانى – 14, اتاپ ايتار بولساق، اقكول، ءۇشارال، بولتىرىك شەشەن، كوشەك باتىر، قىزىلاۋىت، اقتوبە، قايىر، ارال، مايتوبە، قوجاعاپپار، ەسەيحان، قاراوي، قاسقابۇلاق، كوكتال ەلدى-مەكەندەرى.

قازىرگى تاڭدا، اۋدانىمىزدىڭ 5 ەلدى-مەكەنىنە (بولتىرىك شە­شەن، كوشەك باتىر، ءۇشارال، ارال، قايىر) گاز قۇبىرىن تار­تۋ جۇمىستارى جۇرگىزىلۋدە. تاپسىرىس بەرۋشى جامبىل وبلى­سى اكىمدىگىنىڭ ەنەرگەتيكا جانە تۇرعىن ءۇي – كوممۋنالدىق شارۋاشىلىق باسقارماسى. اياقتالۋ مەرزىمى 2018 جىلعا جوسپارلانعان. دەگەنمەن، اتالعان ەلدى-مەكەندەرىنە ىشكى كۆارتالدىق گاز تاراتۋ جەلىسىنىڭ قۇرىلىسى قاراستىرىلماعان. اتالعان جوبالار ىسكە اسىرىلعان جاعدايدا، اۋداندا گازداندىرىلعان ەلدى مەكەندەردىڭ كورسەتكىشى 60,8 پايىزعا جەتەدى", – دەگەن ول مۇنان سوڭ اتالعان ماسەلە بويىنشا مالىمدەمە جاسادى.

Abai.kz