شىعىس قازاقستان وبلىسى، تارباعاتاي تاۋلارىنداعى ەلەكە سازىندا ارحەولوگيالىق جۇمىستار ناتيجەسىندە  2 نىساننان التىن زاتتار تابىلدى، - دەپ حابارلايدى التاينيۋس.

بولجام بويىنشا، بۇل كونە جادىگەر ب.ز.د VIII-VII عاسىرلارعا جاتاتىن بەكزادالار مەن حانشايىمدارعا تيەسىلى زاتتار بولۋى مۇمكىن.اسىرەسە، ايەلدەردىڭ التىن اشەكەيلەرى، مونشاقتار مەن كيىمدەرىنە ارنالعان جاپسىرمالار جانە قاپسىرمالار وتە كوپ تابىلعان. سونىمەن قاتار التىننان سوعىلعان ات ابزەلدەرى دە بار.

قازىر ارحەولوگيالىق جۇمىستار ناتيجەسىندە 3000 عا جۋىق التىن بۇيىم انىقتالعان.

ايتا كەتۋ كەرەك، 2016 جىلدان بەرى شىعىس قازاقستان وبلىسىندا «كونە قازىنالار» اتتى جوبا اياسىندا ارحەولوگيالىق قازبالار مەن عىلىمي زەرتتەۋ جۇمىستارى باستالعان.

قازبا جۇمىستارى ەلىمىزدىڭ جەتەكشى ارحەولوگتارى زەينوللا ساماشەۆ، ابدەش تولەۋباەۆ جانە كارل بايپاقوۆ جەتەكشىلىگىمەن جۇرگىزىلىپ كەلەدى.

Abai.kz