2018 جىلدىڭ العاشقى التى ايىندا قازاقستاننان 17 171 ادام كوشىپ كەتتى، - دەپ حابارلايدى اباي-اقپارات. قازاقستاننان بەزگەندەر رەسەي، گەرمانيا جانە اقش ەلدەرىن پانالاعان.

قازاقستان رەسپۋبليكاسى ۇلتتىق ەكونوميكا مينيسترلىگى ستاتيستيكا كوميتەتىندەگىلەر 2018 جىلى التى ايدىڭ ىشىندە قازاقستاننان 17 171 ادام كوشىپ كەتكەنىن حابارلاعان ەدى. قازاقستاندىقتار كوشىپ كەتكەن ەلدەردىڭ تىزىمىندە ءبىرىنشى ورىندى رەسەي (15 688 ادام) كورسەتكىشىمەن يەلەندى. ەكىنشى ورىندا - گەرمانيا. مۇندا كوشىپ كەتكەن ادامدار سانى 1097-گە جەتتى. كوشباسشىلارىنىڭ ۇشتىگىن اقش اياقتادى. مۇحيتتىڭ ار جاعىنا 158 قازاقستاندىق قونىس اۋدارعان.

ودان كەيىن بەلارۋس - 116 ادام، قىرعىزستان - 74 ادام، كانادا - 66 ادام، وزبەكستان - 64 ادام، يزرايل - 50 ادام، قىتاي - 48 ادام، ۋكراينا - 46 ادام.

قوش! كەتكەندەرگە "جولى بولسىننان!" باسقا ايتارىمىز جوق. ەلىمىزدە 4 ميلليوننان استام ورىس حالقى قونىستانعان. بۇلاردىڭ پايىزدىق ۇلەسى - 21.05%. ولاردىڭ ءبارى ءتۇپ-قوتارىلا كوشىپ كەتسە دە، قارسىلىعىمىز جوق. ءبىز ءۇشىن رەسەيدىڭ بار بولعانى التى ايدا 15 688 قانداسىن ءوز ەلىنە كوشىرىپ العانى قۋاناتىن جاي.

سەبەبى ۆ.پۋتيننiڭ ەكى مىڭىنشى جىلداردىڭ باسىندا: "رەسەي بۇرىنعىداي ۇلى دەرجاۆا بولىپ قالۋى ءۇشiن، كەمiندە 50 ملن. وتانداستى قابىلداۋى قاجەت" دەپ مالiمدەگەنi ءبارىمىزدىڭ ەسىمىزدە. "وتانداستار" باعدارلاماسى بارىسىندا ميلليونداعان قانداستىڭ كەلۋiنە مۇمكiندiك جاساۋ كەرەك" دەگەن ول ءۇش جىلدىڭ iشiندە 300 مىڭ ادامنىڭ رەسەيگە كوشىپ كەلەتىنىنە سەنiم بiلدiرگەن ەدi. الايدا، ءپۋتيننىڭ 300 مىڭى باعدارلاما جاريالانعاننان كەيىنگى ءۇش جىلدا 17 مىڭ ورىستان (وتباسى مۇشەلەرiن قوسقاندا) اسپاي قالىپ ۇياتتى بولعان. ەندى مىنە، وسىدان ون جىل بۇرىن 3 جىلدا كوشەتىن ورىستى التى ايدا كوشىرىپ تاستايتىن الەتكە جەتتىك.

وسىندايدا ماسەلەگە باسقاشا قىرىنان امالسىز قاراۋعا تۋرا كەلەدى. ءبىز دە سول دارەجەگە جەتىپ، التى ايدا قىتايدان 15 مىڭ قانداس كوشىرىپ اكەلەر كۇن تۋار ما ەكەن؟!

ءشارىپحان قايسار

Abai.kz