سەيسەنبى, 16 شىلدە 2024
ساڭلاق 4430 0 پىكىر 20 تامىز, 2018 ساعات 13:10

ازيادا-2018: العاشقى جارىس كۇنىندە ءتورت مەدال بۇيىردى

ءتورت جىلدا ءبىر وتەتىن جازعى ازيا ويىندارى بيىل يندونەزيا استاناسى دجاكارتا قالاسىندا ءوتىپ جاتىر. سارى قۇرلىقتىڭ باستى باسەكەسىندە ەلىمىز اتىنان 400-دەن اسا سپورتشى باق سىناۋدا.

ەلىمىز سپورتشىلارى العاشقى جارىس كۇنىندە-اق ەل قورجىنىنا ءتورت مەدال سالىپ ۇلگەردى. بۇلاردىڭ بىرەۋى التىن، بىرەۋى كۇمىس. قالعان ەكەۋى قولا جۇلدە.

التىن مەدالدى سەمسەرلەسۋشى دميتري الەكسانين الىپ بەردى. دميتري فينالدا اناۋ-مىناۋ ەمەس ريو وليمپياداسىنىڭ چەمپيونى سان ەن پاكتى جەڭدى.

كۇمىس جۇلدە ەركىن كۇرەس شەبەرى دانيار قايسانوۆقا بۇيىردى. 74 كەلىگە دەيىنگى سالماقتا بەلدەسكەن دانيار فينالدا وزبەكستاندىق بەكزود ابدۋراحمونوۆتان 2:3 ەسەبىمەن جەڭىلىپ قالدى. دانيار قايسانوۆ كوكتەمدە بىشكەك قالاسىندا وتكەن ازيا چەمپيوناتىندا قولا مەدالگە قول جەتكىزگەن بولاتىن.

قوس قولا جۇلدەنى دە ءدال وسى ەركىن كۇرەستەن سىنعا تۇسكەن بالۋاندار جەڭىپ الدى. 86 كەلىگە دەيىنگى سالماق دارەجەسىندە ادىلەت داۋلامباەۆ ءۇشىنشى ورىن ءۇشىن بەلدەسۋدە قىرعىزستاندىق اليگادجي گاميدگادجيەۆتى 3:0 ەسەبىمەن جەڭدى. ال ەكىنشى قولانى 65 كەلى سالماق دارەجەسىندە ونەر كورسەتەتىن ساياتبەك وقاسوۆ الدى. وتانداسىمىز قولا ءۇشىن كۇرەستە تاجىكستاندىق قارسىلاسىن 5:2 ەسەبىمەن جەڭدى.

تاعى ءبىر ايتا كەتەرلىگى، ادىلەت داۋلامباەۆ بيىل ناۋرىز ايىندا وتكەن ازيا چەمپيوناتىنا 92 كەلى سالماق دارەجەسىندە قاتىسىپ، كۇمىس مەدال العان بولاتىن.

قۋانىش قاپپاس

Abai.kz

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1226
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1940
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1981