ەلباسى جوعارعى سوت توراعاسى جاقىپ اسانوۆتى قابىلدادى، دەپ حابارلايدى اباي-اقپارات اقوردانىڭ رەسمي سايتىنا سىلتەمە جاساپ.

كەزدەسۋدە مەملەكەت باسشىسىنا سوت تورەلىگى ورگاندارىنىڭ بيىلعى جارتىجىلدىقتا اتقارعان قىزمەتى مەن بۇعان دەيىنگى جۇكتەلگەن تاپسىرمالاردىڭ ورىندالۋ بارىسى جونىندە ەسەپ بەرىلدى.

– وتكەن 6 ايدىڭ ىشىندە ءبىرىنشى ساتىداعى سوتتار 1,8 ميلليون سوت ءىسى مەن ماتەريالداردى قارادى. بۇل بىلتىرعى وسى ۋاقىتتاعى كورسەتكىشتەن جوعارى. قىلمىستىق ءىس بويىنشا 16 302 ادام سوتتالسا، ولاردىڭ 25 پايىزى باس بوستاندىعىنان ايىرىلدى، – دەدى جوعارعى سوت توراعاسى.

جاقىپ اسانوۆ نۇرسۇلتان نازارباەۆقا ەكونوميكالىق قىلمىستار بويىنشا قاماۋ تۇرىندەگى بۇلتارتپاۋ شارالارىن بەلگىلەۋ جاعدايى 30 پايىزعا تومەندەگەنىن مالىمدەدى.

كەزدەسۋ سوڭىندا قازاقستان پرەزيدەنتى بىرقاتار تاپسىرما بەردى.

Abai.kz