بۇگىنگى اتىراۋ ىشكى ىستەر دەپارتامەنتىنىڭ باسشىسىنىڭ كازينودا ۇتىلعان ۆيدەوسىن كورىپ، جەكەمە شىعىپ جۇرگەن حالىقتىڭ جان ايقايىن تۇسىنگەن سياقتىمىن.

ول جاقتاعى قۇزىرلى ورگانداعى كەيبىر جەمقورلار، پارانى ءجۇز مىڭداپ ەمەس، ميلليونداپ الاتىنا كوزىم جەتتى...

سۋديا 80000 دوللار سۇرادى دەگەندە، "اپيتتەرى زور ەكەن" دەپ تاڭ قالعان ەدىم. سويتسەم بۇل تاڭ قالاتىن دۇنيە ەمەس ەكەن عوي.

ءبىر جىگىت جازىپ ەدى: "اتىراۋدان تەرگەۋ كەزىندە 10000 دوللار تاۋىپ بەرە الماعان سوڭ جازىقسىز قامالىپ كەتتىم"- دەپ. سول اڭگىمەنىڭ شىندىعى شىعىپ تۇر.

حالىق ءوزىن اقتاپ الۋ ءۇشىن اقشا بەرۋ كەرەك، ال بىرەۋلەر وزگە ەلدىڭ كازينوسىندا ميلليون دوللارلاپ ۇتىلادى. جۇيەنىڭ شىرىگەندىگى، قۇلاق كەسىپ، ۇرىپ تەپكىلەپ ەسىگىنىڭ الدىنا مال سياقتى اكەلىپ تاستايدى. ول ءىستى اتىراۋ قۇزىرلى ورگاندارى قارامايدى. ال بالىق اۋلاۋعا رۇقسات قاعازى بولسا دا، زاڭدى اۋلانعان بالىق ءۇشىن 7-8 جىلعا قاماپ جىبەرەدى. جەكەمە شىعىپ جاتقان قانشاما بالىقشىلار وتباسى بار.

سۋديالاردى پارامەن ۇستاتىپ، ءوزى سول ءۇشىن قىسىم كورىپ جۇرگەن ازاماتتاردىڭ سوزدەرى راس بولىپ شىعىپ وتىر.

مەملەكەت ءۇشىن، اتىراۋدىڭ جەرگىلىكتى اتقارۋشى بيلىگى ءۇشىن مەن ۇيالىپ وتىرمىن. قانشاما جازىقسىز ازاماتتار تەمىر توردىڭ ار جاعىنا، اقشا تاۋىپ بەرە الماعان سوڭ قىرشىن كەتتى. جۇيەنى وزگەرتىڭىز ەلباسى! حالىق شارشادى جەمقورلاردان!

ايگۇل ورىنبەك

زاڭگەر

Abai.kz