بەيسەنبى, 28 ناۋرىز 2024
ءجون-اق 10303 40 پىكىر 23 تامىز, 2018 ساعات 19:32

ورالدا يساتاي مەن ماحامبەتكە ەسكەرتكىش تۇرعىزىلادى

كەشە Abai.kz اقپاراتتىق پورتالىندا بەلگىلى قوعامدىق بەلسەندى تالعات قاتاۋوۆتىڭ "پۋشكينگە ەسكەرتكىش قويعان ورال ماحامبەتكە بيۋست تە ورناتقان جوق" اتتى ماقالاسى جاريالانعان ەدى. بۇگىن ءبىزدىڭ پورتالعا باتىس قازاقستان وبلىسى اكىمدىگىنىڭ ءباسپاسوز قىزمەتى حابارلاسىپ، ماقالا اۆتورىنىڭ ايتقاندارىن جوققا شىعاردى. 

قازىر ورالعا يساتاي مەن ماحامبەت باتىرلارعا ارنالعان ەسكەرتكىش ورناتۋ جۇمىستارى باستالىپ كەتكەن. 

;feature=youtu.be

بۇل  تۋرالى وبلىس اكىمى التاي كولگىنووۆ بىلتىر ارنايى مالىمدەمە جاساعان.

2018 جىلدىڭ 29 مامىر كۇنى وبلىس اكىمىنىڭ ورىنباسارى وسپانقۇلوۆ عابيدوللا ابدوللاۇلىنىڭ توراعالىق ەتۋىمەن باتىس قازاقستان وبلىسىنىڭ تاريحي-مادەني مۇرالارىن، تاريح جانە مادەنيەت ەسكەرتكىشتەرىن قورعاۋ جانە مەموريالدىق تاقتالاردى ورناتۋ ماسەلەلەرى جونىندەگى كوميسسيا وتىرىسى وتكەن. 

كوميسسيادا «يساتاي مەن ماحامبەت باتىرلارعا ارنالعان اتتى كومپوزيتسيا» ەسكەرتكىشىنىڭ ەسكيزدىك جوبالارى قاراستىرىلعان.  

كونكۋرسقا قاتىسۋعا مۇسىنشىلەردەن 6 ءوتىنىش كەلىپ ءتۇستى: كەلىپ تۇسكەن وتىنىشتەردىڭ ىشىنەن ۇزدىك 3 جۇمىس تاڭداپ الىنىپ، قازاقستان رەسپۋبليكاسى مادەنيەت جانە سپورت مينيسترلىگىنىڭ مونۋمەنتتى ونەردىڭ جاڭا قۇرىلىستارىن ورناتۋ جونىندەگى كوميسسيا وتىرىسىنا جىبەرىلدى.

2018 جىلدىڭ 27 شىلدە كۇنى جوعارىدا اتالعان كوميسسيا وتىرىسىندا ەڭ ۇزدىك جوبا رەتىندە ابەنوۆ ر.ا.، زيابەكوۆ ە.س. جانە رۋستامبەكوۆ س.ي.  بىرلەسكەن جۇمىستارى تاڭدالدى. ەسكەرتكىش شامامەن ورال قالاسىنان پودستەپنوە اۋىلىنا كىرەر جەرىندە ورنالاسپاق. 

رەداكتسيادان. تالعات قاتاۋوۆ وبلىس اكىمىنىڭ اۋزىمەن ايتىلىپ، ونسىز دا سالىنعالى جاتقان ەسكەرتكىشتى جوقتاپ ماسەلە كوتەرۋى بىلمەستىك پە، جوق الدە ساياسي ۇپاي جيناۋدىڭ جولى ما؟ بۇل جايدى اۆتوردىڭ ارىنا اماناتتاۋدى ءجون سانادىق. 

Abai.kz

40 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516