اتىراۋ قالاسىنىڭ №2 سوتىندا مەملەكەتتىك ساۋلەت-قۇرىلىس باقىلاۋ باسقارماسى (مسقبب) باسشىسى راشيد اليپباەۆ جانە اتالعان باسقارمانىڭ ءبولىمى باسشىسى اسىلبەك وماركۋلوۆقا قاتىستى قىلمىستىق ىستەر قارالدى، دەپ حابارلايدى اباي-اقپارات قر جوعارعى سوتىنىڭ ءباسپاسوز قىزمەتىنە سىلتەمە جاساپ.

سوتقا دەيىنگى تەرگەۋ ورگاندارىمەن ر.اليپباەۆقا قازاقستان رەسپۋبليكاسى قك-ءنىڭ 366 بابىنىڭ 3 بولىگى 1),4) تارماقتارى (بىرنەشە رەت قورقىتۋ ارقىلى پارا الۋ) بويىنشا ايىپ تاعىلعان، ا.وماركۋلوۆ قازاقستان رەسپۋبليكاسى قك-ءنىڭ 190 بابىنىڭ 3 بولىگى (الاياقتىق), 366 بابى ء(ىرى مولشەردە پارا الۋ), 368 بابى (قىزمەتتىك جاعدايىن پايدالانۋ ارقىلى پاراقورلىققا دەلدال بولۋ) بويىنشا سوتقا بەرىلگەن.

ر.اليپباەۆ جانە ا.وماركۋلوۆ سوتقا دەيىنگى تەرگەۋ بارىسىندا كىنانى مويىنداۋ تۋرالى مامىلە تۇرىندەگى پروتسەسسۋالدىق كەلىسىمشارت جاساقتاعاندىقتان، ولارعا قاتىستى قىلمىستىق ىستەر سوتقا پروكۋروردىڭ كەلىسىمدىك وندىرىسپەن قاراۋ تۋرالى وتىنىشىمەن تۇسكەن.

تەرگەۋ ورگاندارىمەن انىقتالعانداي، ا.وماركۋلوۆ 2018 جىلدىڭ ءساۋىر ايىندا قالا تۇرعىنىنان سالماق تۇسەتىن جانە قورشالىناتىن قۇراستىرىلىمدار بولىگىندە ءبىرىنشى دەڭگەيدەگى جاۋاپكەرشىلىك كوزدەلگەن وبەكتىلەردى تەحنيكالىق باقىلاۋ ساراپشىسىنىڭ اتتەستاتىن بەرۋ ءۇشىن 200 000  تەڭگە العان. كەيىن ول اقشانى ر.اليپباەۆقا پارا رەتىندە بەرگەن.

سونداي-اق، ءساۋىر ايىندا ر.اليپباەۆ قالا تۇرعىنىنان مسقبب اتىنان ۇسىنىمدىق حات بەرۋ ءۇشىن 250 000 تەڭگە پارا العان.

بۇدان باسقا، 2018 جىلدىڭ مامىر ايىندا بەلگىلى جشس-ءنىڭ ءوندىرىس بويىنشا ديرەكتورى «ە-gov» پورتالى ارقىلى ليتسەنزياعا قوسىمشا جۇمىستاردى ەنگىزۋ تۋرالى تاپسىرىس بەرىپ، الايدا ونىڭ تاپسىرىسىنان باس تارتىلعان. كەيىن ول ا.وماركۋلوۆقا كومەك سۇراپ كەلگەن، سوڭعىسى ماسەلەنى شەشۋ ءۇشىن 200 000 تەڭگە تالاپ ەتكەن.

اعىمداعى جىلدىڭ قاڭتار ايىندا باسقا جشس 1 جانە 2 ساناتتاعى جوبالىق قىزمەتكە ليتسەنزيا الۋ ماقساتىندا مسقبب-عا قالىققا قىزمەت كورسەتۋ ورتالىعى ارقىلى قۇجاتتارىن تاپسىرعان، الايدا وعان ليتسەنزيا بەرۋدەن باس تارتىلعان. اتالعان جشس-ءتىڭ وكىلى مسقبب باسشىسىنىڭ مىندەتىن اتقارۋشى ا.وماركۋلوۆقا جۇگىنىپ، ول جادايدىڭ وڭتايلى شەشىلۋى ءۇشىن 24 000 اقش دوللارىن تالاپ ەتكەن. ناتيجەسىندە ول اقشا الۋ ساتىندە قۇرىقتالعان.

سوت سوتتالۋشىلاردى قىلمىستىق ارەكەتتەرى ءۇشىن كىنالى دەپ تانىدى. سوت ۇكىمىمەن ر.اليپباەۆقا پارانىڭ جەتپىس ەسەلەنگەن مولشەرىندە 31 500 000 تەڭگە ايىپپۇل سالىندى. ا.وماركۋلوۆقا 3 جىل مەرزىمگە باس بوستاندىعىنان ايىرۋ جازاسىن قاۋىپسىزدىگى ورتاشا مەكەمەدە وتەۋ بەلگىلەندى

سونداي-اق، ولار ءومىر بويىنا مەملەكەتتىك قىزمەتتە بولۋ قۇقىعىنان ايىرىلدى.

Abai.kz