رەسەي تەلەارنالارى ۋكراينانى جامانداپ كۇن سايىن ونداعان تەلەحابارلار «جۋىندىسىن» ەفيرگە توگىپ جاتقانىمەن ەل ءىس جۇزىندە ايتارلىقتاي تابىستارعا قول جەتكىزۋدە.
1. سونىڭ ەڭ باستىلارىنىڭ ءبىرى ۋكراينا قىسقا مەرزىمدە ۇرىسقا قابىلەتتى مۇلدە جاڭا ارميا قۇرا الدى. ول قازىر رەسەي ارمياسىنا لايىقتى تويتارىس بەرە الاتىن كۇشكە اينالدى. ءوز اسكەرىن ءوز قارۋ-جاراعىمەن، ءوز كيىمىمەن تولىقتاي جابدىقتاپ وتىر. ماتەريالدىق بازاسى كۇشەيدى. قازىر الەمدە 29 ورىندا.
2. رەسەي گازىنا تاۋەلدىلىك جويىلدى، گاز ەندى ەۋروپادان ساتىپ الىنۋدا. ۋكراينانى ۇستاپ تۇرعان رەسەي «قارماعى» جويىلدى.
3. ەلدە ازاماتىق قوعامدى دامىتاتىن الەۋمەتتىك ليفتەر جۇمىس ىستەي باستادى. جاۋاپتى مەملەكەتتىك قىزمەت ورىندارىنا كوپتەگەن قوعام بەلسەندىلەرى كەلدى. ولار تالاي بىلىقتاردىڭ بەتىن اشتى. ءتىپتى قورعانىس مينيسترلىگىنە اسكەر ءۇشىن ساتىپ الۋلار جاساۋدى قاداعالايتىن ۆولونتەرلەر تارتىلدى.
4. ەڭ كەرەمەتى - ىشكى ىستەر مينيسترلىگىندە رەفورما جاسالدى. جاڭا پوليتسيا جازالاۋشى ورگان ەمەس – سەرۆيستىك قىزمەتكە اينالدى. «كىشىپەيىل پاترۋلدەر» وزدەرىنىڭ كوررۋپتسيادان اۋلاق ەكەندىگىن دالەلدەدى، تارتىپسىزدىگى ءۇشىن كەز كەلگەن لاۋازىم يەسىنە حاتتاما تولتىرىلاتىن بولدى.
5. ۋكراينا ەۋروپالىق نارىققا جول اشتى. ۋكراين ديقاندارى بىلتىر قارت قۇرلىققا مول ازىق-تۇلىك ساتتى. كولەمى تۇركيادان كەم بولمادى. ەندى دايىن ونىمدەر ەۋروپا نارىعىنا شىعارىلۋدا.
6. «انتونوۆ» زاۋىتىندا جاساعان ان-178 اسكەري-ترانسپورتتىق ۇشاعى قاناتتى سەنساتسياعا اينالدى. ول باستاپقى سىزباسىنان باستاپ سوڭعى ۆينتىنە دەيىن وتاندىق ءونىم. ول ۇشۋ پارامەترلەرى جاعىنان لە بۋرجە اۆياسالونىندا كوپتەگەن ەلدەردىڭ وكىلدەرىن قاتتى قىزىقتىردى.
7. ۋكراينا كەشەگى كوممۋنيستىك جۇيەنىڭ يدەولوگياسىن دا، سيمۆوليكاسىن دا لاقتىرىپ تاستادى. قىزىل يدەولوگياعا دا، ناتسيستىك يدەولوگياعا دا زاڭمەن تىيىم سالىندى. كوممۋنيستىك كوسەمدەرگە ەسكەرتكىشتەر الىنىپ جاتىر.
8. ۋكراينا تمد كەلىسىمىنەن شىعۋعا بەل بايلادى. اگرەسسور ەل رەتىندە رەسەيمەن بايلانىستارىن توىقتاي ءۇزدى. تەرروريستىك قاۋىپتى ەلدەردىڭ، ونىڭ قاتارىندا رەسەي دە بار، ازاماتتارىنىڭ ۋكرايناعا كەلۋى تەك ۆيزا ارقىلى جۇزەگە اسىرىلاتىن بولدى.
9. ۋكراينانىڭ ناتو-عا مۇشە بولۋى تولىقتاي شەشىلدى.
10. ءبىلىم جانە سپورت سالالارىندا دا قول جەتكەن تابىستار از ەمەس.