ورتالىق كوممۋنيكاتسيالار قىزمەتىندە قوعامدىق ۇيىمداردىڭ باستاماسىمەن «100 جاڭا ەسىم» جوباسىنىڭ جاڭا كەزەڭىنە قاتىسۋشى ۇمىتكەرلەردى قازاقستان بويىنشا ىرىكتەۋگە ارنالعان ءباسپاسوز-كونفەرەنتسياسى ءوتتى، دەپ حابارلايدى اباي-اقپارات ءتىلشىسى.

شاراعا «قازكونتەنت» اق باسقارما توراعاسى ەۆگەني كوچەتوۆ، «بولاشاق» رق جانە جقب «ءجاستارۇنى» توراعاسى داۋرەن بابامۋراتوۆ، "قازاقستاننىڭ ازاماتتىق اليانسى" زتب-ءنىڭ ديرەكتورى گامال تۇزەلباەۆ، قازاقستان رەسپۋبليكاسى كاسىپوداقتار فەدەراتسيا توراعاسىنىڭ ورىنباسارى ەرلان سايروۆ جانە «بولاشاق» قاۋىمداستىعى كەڭەسىنىڭ ديرەكتورى لاۋرا دەمەسىنوۆا قاتىستى.

«بيىل دا «100 جاڭا ەسىم» جوباسى قازاقستانداعى ەرەكشە تالانتى مەن تۇلعالىق سيپاتقا يە ادامداردى ىزدەپ، جوباعا بەلسەنە قاتىسۋعا شاقىرادى. اتالعان جوبا كاسىبي سالادا جەتىستىككە جەتكەن، ءوز دارا جولى وزگەگە ۇلگى بولاتىن ادامدارعا ارنالعان» - دەيدى ەرلان سايروۆ.

ال وسى جىلعى كونكۋرسقا قاتىسۋشىلارعا قويىلاتىن تالاپتىڭ وتكەن جىلعىمەن سالىستىرعاندا كوپ وزگەشەلىگى جوق.

«نەگىزىنەن جەكە كاسىپ يەلەرىنە، جەكەلەگەن ءوندىرىس ورىندارىنا ايرىقشا ءمان بەرىپ وتىرمىز. بۇل كونكۋرسقا قاتىسۋشى تۇلعانىڭ تانىلۋىنا، جارناماسىنىڭ جۇيەلى جۇرگىزىلۋىنە ىقپال ەتەدى دەپ ويلايمىز» - دەيدى داۋرەن بابامۇرات.

ەستەرىڭىزگە سالا كەتەيىك، ەكىنشى ماۋسىمعا قاتىسقىسى كەلەتىندەر مىنا جەردەن تىركەلە الادى.

Abai.kz