قازاقستانداعى ازاماتتىق قوعام مۇشەلەرىنىڭ 29%-عا جۋىعى دەنە شىنىقتىرۋمەن جانە سپورتپەن اينالىسادى. بۇل قر مادەنيەت جانە سپورت ءمينيسترى ارىستانبەك مۇحامەديۇلىنىڭ بايانداماسىندا ايتىلعان دەرەك.

مادەنيەت جانە سپورت مينيسترلىگىنىڭ الدىنا قويىلعان باستى مىندەتتەردىڭ ءبىرى – ەلباسىنىڭ قازاقستان حالىقىنا ارناعان جولداۋلارىندا اتاپ كورسەتىلگەندەي 2020 جىلعا قاراي وتانداستارىمىزدىڭ 30 پايىزىن دەنە شىنىقتىرۋ جانە سپورتپەن جۇيەلى تۇردە شۇعىلدانۋىن قامتاماسىز ەتۋ بولىپ تابىلادى.

ۇكىمەت مۇشەلەرى الدىندا حالىقتى دەنە شىنىقتىرۋمەن اينالىسۋعا تارتۋ جانە سپورتتىق ينفراقۇرىلىمدى دامىتۋ تۋرالى ەسەپ بەرگەن مادەنيەت جانە سپورت ءمينيسترى ارىستانبەك مۇحامەديۇلىالعا قويىلعان مىندەتتەردى ىسكە اسىرۋ جۇمىستارىنىڭ ناتيجەسىندە 2017 جىلى حالىقتىڭ 28,7% دەنە شىنىقتىرۋمەن جانە سپورتپەن قاماتاماسىز ەتىلگەنىن اتاپ ءوتتى. بۇل دەنە شىنىقتىرۋ جانە سپورت قوزعالىسىنا 5 ملن 204 مىڭ ادامنىڭ قاتىسقاندىعىن كۋالاندىرادى. 2016 جىلمەن سالىستىرعاندا بۇل كورسەتكىش 1,3%-عا ۇلعايدى.

«2018 جىلدىڭ 1 جارتى جىلدىعى بويىنشا سالاۋاتتى ءومىر سالتى ورتالىعىمەن بىرلەسىپ 28 مىڭداي، ونىڭ ىشىندە اۋىلدى جەرلەردە 15 مىڭداي سپورتتىق-بۇقارالىق ءىس-شارا مەن سپورتتىق اكتسيالار وتكىزىلدى. ولارعا بارلىعى 3 ملن-نان استام ادام قاتىستى»، — دەپ اتاپ ءوتتى ا. مۇحامەديۇلى.

مادەنيەت جانە سپورت ءمينيسترىنىڭ مالىمەتىنشە، بۇقارالىق سپورتتىڭ ماڭىزدى قۇرامداس بولىگىنىڭ ءبىرى دەپ سالالىق زاڭمەن ەنگىزىلگەن قازاقستان رەسپۋبليكاسىنىڭ تۇڭعىش پرەزيدەنتى – ەلباسى تەستىلەرىن تاپسىرۋدى ايتۋعا بولادى. 2018 جىلدىڭ ءبىرىنشى جارتىجىلدىعى بويىنشا اتالعان تەستىلەردى تاپسىرۋعا بارلىعى 4 ملن 939 مىڭ ادام قاتىستى. سونىڭ ىشىندە 74 مىڭ ادام پرەزيدەنتتىك دەڭگەي نورماتيۆتەرىن، 244 مىڭ ادام ۇلتتىق دەڭگەيدەگى نورماتيۆتەردى، 371 مىڭى جالپى باستاپقى دەڭگەي نورماتيۆتەرىن ورىندادى.

ەلباسىنىڭ تاپسىرماسىن ورىنداۋ شەڭبەرىندە اسىرەسە بالالار مەن جاسوسپىرىمدەر اراسىندا بۇقارالىق سپورتتى دامىتۋعا اسا كوڭىل بولىنەدى. قازىرگى تاڭدا جالپى ءبىلىم بەرەتىن مەكتەپتەردە بۇقارالىق سپورت تۇرلەرىنەن 791 مىڭنان اسا وقۋشى سپورتتىق سەكتسيا ساباقتارىمەن قامتىلعان.

«ستۋدەنتتىك سپورتتىڭ دامۋ جاعدايىنا كوشە وتىرىپ، ءبىلىم جانە عىلىم مينيسترلىگىمەن بىرلەسكەن جۇمىس ناتيجەسىندە قازىر رەسپۋبليكانىڭ 128 جوعارى وقۋ ورىندارىندا 189 مىڭ ستۋدەنت ء(بىلىم الۋشىلاردىڭ جالپى سانىنان 45,8 %) شۇعىلدانادى. 766 كوللەدجدە 280 مىڭنان اسا ءبىلىم الۋشى سپورتپەن شۇعىلدانادى»، — دەپ اتاپ ءوتتى مادەنيەت جانە سپورت ءمينيسترى.

مەكتەپ جاسىنداعى بالالار اراسىندا تۇرعىلىقتى جەرى بويىنشا دەنە شىنىقتىرۋ-ساۋىقتىرۋ جۇمىسىن قامتاماسىز ەتۋ ماقساتىندا قوسىمشا ءبىلىم بەرۋ مەكەمەلەرى، ونىڭ ىشىندە 537 بالالار-جاسوسپىرىمدەر كلۋبتارى، 96 بالالار-جاسوسپىرىمدەر دەنە دايىندىعى كلۋبتارى جۇمىس جاساۋدا.

سپورتپەن اينالىساتىن دەنساۋلىق مۇمكىندىكتەرى شەكتەۋلى جاندارعا بارىنشا جاعدايلار جاسالىپ جاتىر. 2009 جىلدان بەرى دەنە شىنىقتىرۋ جانە سپورتپەن اينالىسۋشىلاردىڭ ۇلەسى 4%-دان 10,7%-عا دەيىن ءوستى.

«ولاردىڭ سپورتتىق دامۋى ءۇشىن سپورتتىق كلۋبتار، سپورت مەكتەپتەرى جانە ولارداعى بولىمدەر جۇمىس ىستەپ جاتىر. بيىل قازاقستانداعى تۇڭعىش حالىقارالىق دەڭگەيدەگى مامانداندىرىلعان پاراليمپيادالىق جاتتىعۋ ورتالىعى پايدالانۋعا بەرىلدى. بۇل جاڭا جاتتىعۋ ورتالىعىنىڭ ەرەكشەلىگى مۇندا تەك پاراليمپياداشىلار عانا ەمەس، كەز كەلگەن مۇمكىندىگى شەكتەۋلى جاندار ءۇشىن سپورتتىق جاتتىعۋلار جاساۋعا بولادى»، — دەدى ا. مۇحامەديۇلى.

مادەنيەت جانە سپورت ءمينيسترىنىڭ ايتۋىنشا، ەلىمىزدە ۇلتتىق سپورت تۇرلەرى قارقىندى دامىپ كەلەدى. ۇلتتىق سپورت تۇرلەرىمەن اينالىسۋشىلاردىڭ ۇلەسى 2013 جىلعى 5,9%-دان 2016 جىلى 6,6%-عا ءوستى.

«بارشاعا ءمالىم، دەنە شىنىقتىرۋمەن حالىقتى قامتۋ سپورت ينفراقۇرىلىمىنىڭ بار بولۋىنا تاۋەلدى. ەلىمىزدە 11,3 مىڭ سپورت عيماراتتارى قىزمەت ەتەدى جانە ولاردىڭ سانى 2016 جىلمەن سالىستىرعاندا 6,3% استامعا كوبەيدى. ولاردىڭ ىشىندە 9,3 مىڭى سپورت مەكتەپتەرىن قوسا العاندا ءبىلىم وبەكتىلەرىنە، ال 2 مىڭى دەنە شىنىقتىرۋ–سپورت وبەكتىلەرىنە جاتادى. جىل باسىنان بەرى ەلىمىزدىڭ وڭىرلەرىندە جەرگىلىكتى بيۋدجەت جانە دەمەۋشىلەر قاراجاتى ەسەبىنەن 18 دەنە شىنىقتىرۋ–ساۋىقتىرۋ كەشەندەرىنىڭ قۇرىلىسى اياقتالدى. قازىرگى ۋاقىتتا وبلىستاردا 20-دان استام كەشەندە قۇرىلىس جۇمىستارى جۇرگىزىلۋدە»، — دەدى ا. مۇحامەديۇلى.

وڭىرلەردە مەملەكەتتىك-جەكەمەنشىك ارىپتەستىك اياسىندا ءار ءتۇرلى كەزەڭدەردە 48 جوبا ىسكە اسىرىلىپ جاتىر، بۇل جاڭا ەكونوميكالىق جاعدايدا سپورت ينفراقۇرىلىمىن دامىتۋدا قوسىمشا مۇمكىندىكتەردى ۇسىنادى. سونىمەن قاتار، دەنە شىنىقتىرۋ–سپورتتىق ماقساتىنداعى وبەكتىلەردى سالۋ بويىنشا جۇمىستار جۇرگىزىلۋدە، ولاردىڭ قاتارىندا: ششۋچينسكتەگى رەسپۋبليكالىق شاڭعى بازاسىنىڭ قۇرىلىسىن اياقتاۋ جوباسى بار. شاڭعى ترامپليندەر كەشەنى الەمدەگى سوڭعى ۇلگىدەگى عيماراتتاردىڭ ءبىرى بولىپ تابىلادى. سونداي-اقع وليمپيادالىق دايارلاۋ ورتالىعىنىڭ قۇرىلىس جۇمىستارى(استانا ق.), الماتى وبلىسىنداعى رەسپۋبليكالىق وليمپيادالىق دايارلاۋ بازاسىنىڭ قۇرىلىسى، شىعىس قازاقستان وبلىسىنىڭ ريددەر قالاسىنداعى «رەسپۋبليكالىق مامانداندىرىلعان وليمپيادالىق قور مەكتەپ-ينتەرنات-كوللەدجى» رمم 300 ورىندىق وقۋ كورپۋسىنىڭ قۇرىلىسى جانە ت.ب. جۇرگىزىلىپ جاتىر.

ا. مۇحامەديۇلىنىڭ ايتۋىنشا، مينيسترلىك قىزمەتىندە نورماتيۆتىك قۇقىقتىق بازانى جەتىلدىرۋگە ماڭىزدى ورىن بەرىلەدى، وسى جۇمىستىڭ شەڭبەرىندە 27 نورماتيۆتىك قۇقىقتىق اكتىنىڭ قابىلدانۋى قامتاماسىز ەتىلدى. «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنە شىنىقتىرۋ جانە سپورت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ازىرلەندى. زاڭ جوباسىنىڭ نەگىزگى ماقساتى — قولدانىستاعى دەنە شىنىقتىرۋ جانە سپورت سالاسىنداعى زاڭنامانى جەتىلدىرۋ.

«زاڭ جوباسىنىڭ نەگىزگى باعىتتارى – دوپينگكە قارسى قاعيدالاردى بۇزعانى ءۇشىن قىلمىستىق جانە اكىمشىلىك جاۋاپكەرشىلىكتەردى كۇشەيتۋ، ۇلتتىق دوپينگكە قارسى ۇيىمنىڭ مارتەبەسىن كۇشەيتۋ، سۋردليمپيادا كوميتەتىنىڭ مارتەبەسىن ارتتىرۋ. سونداي-اق دوپينگتى قولدانعانى ءۇشىن بۇرىن بەرىلگەن بارلىق كوتەرمەلەۋلەر مەن تولەمدەردەن ايىرۋ كوزدەلگەن. بۇدان وزگە، زاڭ جوباسىنداعى ماڭىزدى جاڭالىق – قازاقستان رەسپۋبليكاسى ۇكىمەتىنىڭ شەشىمىمەن ايقىندالاتىن دەنە شىنىقتىرۋ جانە سپورت سالاسىنداعى دەمەۋشىلىك كومەكتى كورسەتۋ بويىنشا ساياساتتى ىسكە اسىراتىن بىرىڭعاي وپەراتور قۇرۋ بولىپ تابىلادى»، — دەدى مادەنيەت جانە سپورت ءمينيسترى.

سونىمەن قاتار، مينيسترلىك «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ويىن بيزنەسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەدى. بۇل زاڭ جوباسىنىڭ نەگىزگى باعىتتارىنىڭ ءبىرى — سپورتتى دامىتۋدى قوسىمشا بيۋدجەتتەن تىس قارجىلاندىرۋ ءۇشىن ويىن بيزنەسى سالاسىنداعى مىندەتتى تولەمدەر.

بۇدان وزگە، ماسەلەنى قاراۋ بارىسىندا قىزىلوردا وبلىسىنىڭ اكىمى ق. كوشەرباەۆتىڭ جانە باتىس قازاقستان وبلىسىنىڭ اكىمى ا. كولگىنوۆتىڭ باياندامالارى تىڭدالدى.

Abai.kz