بەيسەنبى, 28 ناۋرىز 2024
2596 0 پىكىر 11 قىركۇيەك, 2018 ساعات 10:06

ۇكىمەتباسى ونەركاسىپتىك دامۋ جونىندەگى كوميسسيانىڭ وتىرىسىن وتكىزدى

ۇكىمەت ۇيىندە قر پرەمەر-ءمينيسترى باقىتجان ساعىنتاەۆتىڭ توراعالىعىمەن ونەركاسىپتىك دامۋ جونىندەگى كوميسسيانىڭ وتىرىسى وتتى.

وتىرىس بارىسىندا يندۋستريالدى دامۋ سالاسىنداعى مەملەكەتتىڭ ۇزاق مەرزىمدى ءارى جۇيەلى ساياساتى تالقىلاندى. اتاپ ايتقاندا، كوميسسيا مۇشەلەرىنىڭ قاراۋىنا 2020–2024 جىلدارعا ارنالعان قازاقستان رەسپۋبليكاسىنىڭ يندۋستريالدى-يننوۆاتسيالىق دامۋ تۇجىرىمداماسى ۇسىنىلدى.

قر ينۆەستيتسيالار جانە دامۋ ءمينيسترى ج. قاسىمبەكتىڭ ايتۋىنشا، جوبا ەلباسىنىڭ «ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىندا العا قويىلعان مىندەتتەرگە سايكەس جانە قازاقستان رەسپۋبليكاسىنىڭ 2025 جىلعا دەيىنگى ستراتەگيالىق دامۋ جوسپارىنىڭ نەگىزگى تالاپتارىنا نەگىزدەلىپ دايىندالعان.

ءمالىم بولعانداي، ەلىمىزدە 2010 جىلدان باستاپ ەكونوميكانى ءارتاراپتاندىرۋ جانە شيكىزات باعىتىنان شىعۋ جولىمەن ەلىمىزدىڭ تۇراقتى دامۋىنا قول جەتكىزۋگە باعىتتالعان يندۋستريالدى ساياسات جۇرگىزىلىپ كەلەدى. 2019 جىلى يندۋستريالاندىرۋدىڭ ەكىنشى بەسجىلدىعى اياقتالادى. ءۇشىنشى بەسجىلدىقتىڭ تالقىلانىپ جاتقان تۇجىرىمداماسىندا قر وڭدەۋ ونەركاسىبىنىڭ حالىقارالىق باسەكەگە قابىلەتتىلىگىن ىنتالاندىرۋعا جاعداي جاساۋدى انىقتاۋ ۇسىنىلادى. وسى ماقساتقا قول جەتكىزۋ ءۇشىن كەلەسى مىندەتتەردى شەشۋ قاجەت: قازاقستاندىق تاۋارلاردى سىرتقى نارىقتارعا شىعارۋ، يندۋستريالاندىرۋدى تەرەڭدەتۋ، نەگىزگى سالالاردى نىعايتۋ. يندۋستريالاندىرۋ ساياساتى ساباقتاستىقتى ساقتاپ، وڭدەۋ ونەركاسىبىن دامىتۋعا باعىتتالاتىن بولادى.

سونداي-اق، وتىرىسقا سالالىق قاۋىمداستىقتاردىڭ وكىلدەرى قاتىستى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522