بۋرابايدا وتكەن «جاستار – وتانعا!» جاستار ساياسي لاگەرىنىڭ اشىلۋ سالتاناتىندا «نۇر وتان» پارتياسى توراعاسىنىڭ ءبىرىنشى ورىنباسارى وسىلاي دەدى.

ءىس-شارا بارىسىندا ماۋلەن اشىمباەۆ جاستاردىڭ باسەكەگە قابىلەتتى مامان بولىپ قالىپتاسۋى ءۇشىن پارتيا تاراپىنان اتقارىلعان جۇمىستارعا توقتالىپ ءوتتى.

– قازىرگى تاڭدا «نۇر وتان» پارتياسى ەلباسى تاپسىرماسىنا سايكەس پارتيا قىزمەتىن جاڭعىرتۋ جۇمىستارىن قارقىندى جۇرگىزۋدە. وسى ماقساتتا 20-دان استام جاڭا جوبا قولعا الىندى. ولاردىڭ قاتارىندا جاستار ساياساتىن جانداندىرۋعا قاتىستى تىڭ باستامالار دا بار. ويتكەنى جاستار ماسەلەسى پارتيا جۇمىسىنداعى باسىم باعىتتاردىڭ ءبىرى. پارتيانىڭ باستاماسىمەن جاستاردىڭ باعدارلامالاۋ نەگىزدەرىن، روبوت تەحنيكالارىن جانە 3D مودەلدەۋدى ۇيرەنۋى ءۇشىن تەگىن «1000 ءىت-سىنىپ» اشۋ جوباسى جۇزەگە اسىرىلۋدا. ودان بولەك، جاس بۋىننىڭ دۇرىس تاماقتانۋى مەن سالاماتتى ءومىر سالتىن ۇستانۋىن قامتاماسىز ەتۋ ءۇشىن مەكتەپ اسحانالارىن جاڭعىرتۋ جانە مەكتەپ سپورت الاڭدارىن قايتا جابدىقتاۋ جۇمىستارىن باستاپ كەتتىك. اۋىل جاستارىنا اعىلشىن ءتىلىن ۇيرەتىپ، وتاندىق كىتاپحانالاردى زاماناۋي ءبىلىم ورتالىعى رەتىندە قايتا قۇرۋ باستامالارى دا پارتيا تاراپىنان ىسكە اسىرىلۋدا، – دەدى «نۇر وتان» پارتياسى توراعاسىنىڭ ءبىرىنشى ورىنباسارى.

ماۋلەن اشىمباەۆ وسىنداي تىڭ جوبالاردى تابىستى جۇزەگە اسىرۋ ءۇشىن ەلىمىزدىڭ بارلىق جاستارىن بەلسەندىلىك تانىتۋعا شاقىردى. سونداي-اق ول بۇل جۇمىستار ەلباسى ايقىنداپ بەرگەن مىندەتتەردى ورىنداۋعا باعىتتالعانىن ايتىپ، وسى جولدا جاسوتاندىقتاردىڭ الدىندا تۇرعان باستى مىندەتتەردى اتاپ ءوتتى.

– بىرىنشىدەن، جاسوتاندىقتار «جاس وتاننىڭ» IV سەزىندە قابىلدانعان قورىتىندى قۇجاتتاعى باستامالاردى جۇزەگە اسىرۋعا باسىمدىق بەرۋى ءتيىس. ەكىنشىدەن، پارتيا قىزمەتىن جاڭعىرتۋ اياسىندا قولعا الىنعان جاڭا جوبالاردى جۇزەگە اسىرۋعا دا بەلسەندى قاتىسۋى كەرەك. اسىرەسە وڭىرلەردە بۇل باعىتتاعى جۇمىستار قارقىندى جۇرگىزىلۋى قاجەت. ۇشىنشىدەن، «جاس وتان» ەل جاستارىن ەلباسى ساياساتىنا توپتاستىراتىن، بارلىق جاستار ۇيىمدارىنىڭ باسىن بىرىكتىرەتىن قوزعاۋشى كۇش بولۋى ءتيىس. بۇل رەتتە «ۇلتتىق پاتريوتتىق اكتىنىڭ» ماڭىزى زور. تورتىنشىدەن، اۋىل جاستارى «جاس وتاننىڭ» باستى نازارىندا بولۋى كەرەك. پارتيا جۇزەگە اسىرىپ جاتقان مەكتەپ اسحانالارى مەن سپورت الاڭدارىن جاڭعىرتۋ، ءىت-سىنىپتار اشۋ، اعىلشىن ءتىلىن ۇيرەتۋ سياقتى پارتيالىق جوبالار نەگىزىنەن وسى اۋىل جاستارىنىڭ باسەكەگە قابىلەتتىلىگىن قامتاماسىز ەتۋگە باعىتتالعان. سوندىقتان جاسوتاندىقتار وسىنداي پارتيالىق جوبالاردى جۇزەگە اسىرۋدا كوبىنە اۋىلدىق جەرلەرگە باسىمدىق بەرۋ ءتيىس. بەسىنشىدەن، «جاس وتان» جاستار قاناتىنىڭ وكىلدەرى ەلباسىنىڭ «رۋحاني جاڭعىرۋ» باعدارلاماسىن جۇزەگە اسىرۋعا بەلسەنە قاتىسىپ، ۇلتتىق كودتى ساقتاۋ، مادەني مۇرالارىمىز بەن قۇندىلىقتارىمىزدى دارىپتەۋ سياقتى باسىمدىقتاردى جۇزەگە اسىرۋدا جۇيەلى ارەكەت ەتۋى ءتيىس. اتالعان باسىمدىقتاردىڭ الدىڭعى لەگىندە جاستار ءجۇرۋى كەرەك، – دەدى ماۋلەن اشىمباەۆ.

«جاس وتان» جاستار قاناتىنىڭ ۇيىمداستىرۋىمەن بيىل قاتارىنان ونىنشى رەت ءوتىپ وتىرعان لاگەر جۇمىسى اياسىندا ەلىمىزدەگى بىرقاتار جاستار ۇيىمدارى «ۇلتتىق پاتريوتتىق اكتىنە» قول قويىپ، بارشا قازاقستاندىق جاستاردىڭ ءوزارا ارىپتەستىگىن نىعايتۋعا، جاستار ساياساتىن ودان ءارى جانداندىرىپ، جاس بۋىننىڭ بەلسەندىلىگىن ارتتىرۋعا، ۇلتتىق قۇندىلىقتار مەن ۇردىستەردى باسشىلىققا الا وتىرىپ، جاڭا زامانعا ساي دامۋ جولىندا ايانباي ەڭبەك ەتۋگە ۋاعدالاستى.

Abai.kz