نەگىزى مادەنيەت جانە سپورت ءمينيسترى ارىستانبەك مۇحامەديۇلىنىڭ  "كينو تۋرالى" زاڭىن ۇسىنعانى وتە ورىندى.
نەگە؟
بۇل زاڭ ءبىر سوزبەن ايتقاندا، ۇلتتىق ونەرىمىزدى، ۇلتتىق يدەولوگيامىزدى ءبىر قادام جىلجۋىنا كومەكتەسەتىن نورماتيۆتىك اكت.
ەسىمدە، وسىدان 16 جىل بۇرىن حاباردا جۇرەتىن "ازامات" باعدارلاماسىندا "جاھاندانۋدىڭ ۇلتتىق قۇندىلىقتارعا اسەرى" دەگەن تاقىرىپتا العاش رەت پىكىرسايىستىرعانىمدا، ءدال وسى زاڭنىڭ دەرەۋ قابىلدانۋ كەرەكتىگىن كوتەرگەن ەدىم. سول كەزدە ءاليا بوپەجانوۆا، عابيت عافيزۇلى سياقتى ءبىلدى سىنشى، مادەنيەتتانۋشىلار سول حاباردا مىقتى پىكىرلەرىن ءبىلدىرىپ قولداعان ەدى.
اتالعان زاڭ 1996 جىلدان بەرى سول كەزدە پارلامەنتتە ءجۇرىپ قابىلدانباي ءجۇردى. سوندا بىلاي قاراساق، وسى ۋاقىتقا دەيىن 22 جىل بويى يدەولوگيامىزدىڭ شارىقتاۋىنا نە كەدەرگى؟ تۇسىنبەدىم...
ەگەر وتاندىق كينويندۋستريانى رەتتەيتىن، كينو ونەرىن زاڭمەن قولداپ، قورعاماساق قانداي يدەولوگيا تۋرالى ايتاۋعا بولادى؟!
زاڭ كەرەك! زاڭ سىرتقى جاھاننىڭ جابايى مادەنيەتىنەن، ادىلەتسىز باسەكەلەستىكتەن، ساپالى ونىمگە، مەملەكەتتىك دامۋعا، وتاندىق كينو كومپانيالاردىڭ كەڭ قۇلاشپەن جاڭعىرۋىنا سەپتىگىن تيگىزەدى.
زيالى قاۋىم، ونەر-شىعارماشىلىق يەلەرى بولىپ قوعامدا كەڭىنەن تالقىلاپ، قولداۋ كورسەتۋ كەرەك. ءبىر عانا ءمينيستردىڭ سوزدەرى پارلامەنتكە جەتپەيدى. ەگەر تاعى دا 22 جىل كينو تۋرالى زاڭ جوباسى شاڭ باسىپ قالماسىن دەسەك، رۋحاني جاڭعىرۋ اياسىندا كۇش الىپ، قابىلدانۋى ءتيىس!

ماقسات جاقاۋدىڭ facebook پاراقشاسىنان

Abai.kz