عالامشارداعى قىلمىس ستاتيستيكاسىن جۇرگىزەتىن Numbeo سەرۆيسى 2018 جىلدىڭ "قىلمىستىق رەيتينگىسىن" جاريالادى، - دەپ جازادى اباي-اقپارات turkystan.kz-كە سىلتەمە جاساپ.

ماماندار 327 قالاداعى قىلمىستاردى ساراپتاعان.

سونىمەن، الەمنىڭ ەڭ قاۋىپسىز قالاسى ءباا استاناسى - ءابۋ-دابي بولدى. مۇندا قىلمىس يندەكسى 13 پايىزدان ءسال اسىپ وتىر، ال قاۋىپسىزدىگى بويىنشا كورسەتكىشى 86,37 پايىزعا تەڭ. بۇدان كەيىنگى ورىنداردا كاتارداعى دوحا ورنالاسقان، كەيىن شۆەيتساريانىڭ بازەل قالاسى (يندەكسى - 16 پايىز). ەڭ قاۋىپسىز قالالاردىڭ وندىعىنا سينگاپۋر، كۆەبەك، وساكا، توكيو، بەرن، ميۋنحەن جانە تسيۋريح ەنگەن.

قازاقستان قالالارىنان تىزىمدە الماتىعا عانا بار ەكەن. رەيتينگتە وڭتۇستىك استانامىزدىڭ الىپ وتىرعان ورنى - 216. سەرۆيس مالىمەتتەرى بويىنشا، قالاداعى قىلمىس يندەكسى 50,06 پايىز، ال قاۋىپسىزدىك يندەكسى - 49,94. الەمدە قىلمىس ەڭ كوپ جاسالاتىن قالا سان-پەدرو-سۋلا بولدى، بۇل گوندۋراستاعى ەڭ ءىرى قالالاردىڭ ءبىرى (قىلمىس يندەكسى 85,18).

Abai.kz