الماتى وبلىسى بالقاش اۋدانىنا قاراستى «سەرىك» شارۋا قوجالىعىندا «اۋىل» پارتياسىنىڭ وكىلدەرى كاتىسۋمەن «كۇرىشتى اقدالا سۋارمالى القابىنىڭ تۇزدانعان توپىراقتارىن تامشىلاتىپ سۋارۋدى وندىرىستىك سىناقتان وتكىزۋدىڭ» ناتيجەسىنە ارنالعان «دالا كۇنى» وتكىزىلدى. شارانىڭ وتۋىنە «و.ءو.وسپانوۆ اتىنداعى قازاق توپىراقتانۋ جانە اگروحيميا عىلىمي-زەرتتەۋ ينستيتۋتى» جشس مەن «ورتالىق ازيا ەكولوگيا جانە قورشاعان ورتا عىلىمي-زەرتتەۋ ورتالىعى» مۇرىندىق بولدى.

«دالا كۇنى» مەرەكەسىنە «ورتالىق ازيا ەكولوگيا جانە قورشاعان ورتا عىلىمي-زەرتتەۋ ورتالىعى وكىلى» يان فان (قحر), الماتىداعى قىتاي ەلشىلىگىنىڭ وكىلى مي گۋيسيۋن،  بالقاش اۋدانى اكىمىنىڭ ورىنباسارى باۋىرجان دارىباەۆ، فەرمەرلەر، اۋىلشارۋاشىلىق تاۋار وندىرۋشىلەر جانە «اۋىل» پارتياسىنىڭ وكىلدەرى كاتىستى.

شارا بارىسىندا دەلەگاتتار كۇرىش القابىن ارالاپ، شارۋاشىلىققا ەنگىزىلگەن تامشىلاتىپ سۋارۋ جۇيەسىمەن تانىستى. ايتا كەتەرلىگى، مۇندا كۇرىش سۋارۋدا ءۇش جىلدان بەرى قىتاي تەحنولوگياسى پايدالانىلۋدا. قازاق توپىراقتانۋ جانە اگروحيميا عىلىمي زەرتتەۋ ينستيتۋتىنىڭ باس ديرەكتورى، اكدەميك، «اۋىل» پارتياسىنىڭ الماتى قالاسى بويىنشا فيليالىنىڭ توراعىسى ا.س.ساپاروۆتىڭ ايتۋىنشا، شەتەل تەحنولوگياسىنىڭ شارۋالارعا بەرەرى مول.

رەسپۋبليكامىزدىڭ سۋ رەسۋرستارىنىڭ باسىم كوپشىلىگى كورشى مەملەكەتتەردەن باستاۋ الاتىندىقتان ەلىمىزدىڭ سولارعا تاۋەلدىلىگى جوعارى. وسىعان وراي سۋارمالى القاپتاردى سۋمەن قامتاماسىز ەتۋ ماسەلەلەرى جانە سۋ رەسۋرستارىن ءتيىمدى پايدالانۋ ەلىمىزدە قازىرگى تاڭدا وزەكتى بولىپ وتىر. ءبىز قىتايدىڭ كۇرىشتى تامشىلىتىپ سۋارۋ وزىق تەحنولوگياسىن قازاقستاننىڭ سۋارمالى القاپتارىنداعى تۇزدانعان توپىراقتاردا بەيىمدەۋ ءۇشىن دالالىق عىلىمي جۇمىستاردى ءۇش جىل كولەمىندە بىرلەسىپ جۇرگىزدىك. وسىنىڭ ناتيجەسىندە كۇرىش وندىرۋدەگى 1 گەكتارعا كەتەتىن سۋدىڭ كولەمىن 2,5 ەسەگە ازايتۋعا بولاتىنىن دالەلدەدىك. – دەدى ابدۋللا ساپاروۆ.

كۇرىش القابىنداعى يننوۆاتسيانىڭ قىر-سىرىنا قانىقان دەلەگاتتار تامشىلاتىپ سۋارۋ ءادىسى فەرمەرلەر ءۇشىن ءتيىمدى ءارى جوعارى ساپالى ءونىم الۋعا مۇمكىندىك دەگەن ورتاق پىكىرگە كەلدى.

Abai.kz