الماتى اكىمى باۋىرجان بايبەك بەنين رەسپۋبليكاسىنىڭ ەكونوميكالىق ورتالىعى بولىپ تابىلاتىن ابومە-كالاۆي قالاسىنىڭ مەرى جورج بادامەن كەزدەستى. تاراپتار مادەني-گۋمانيتارلىق بايلانىستاردى كۇشەيتۋ جانە قالالاردى دامىتۋ بويىنشا تاجىريبە الماسۋ ماسەلەلەرىن تالقىلادى.

مەگاپوليس اكىمى گەوگرافيالىق قاشىقتىقتا قاتىستى الماتى مەن بەنين اراسىنداعى ەكونوميكالىق بايلانىستىڭ شەكتەۋلى ەكەنىن، الايدا مادەني-گۋمانيتارلىق سالادا ىنتىماقتاستىقتىڭ جوعارى ەكەنىن اتاپ ءوتتى.

جىل سايىن قالادا حالىقارالىق كولەمدە Spirit of Tengri, Star of Asia, حالىقارالىق دجاز فەستيۆالى، وركەسترلەر پارادى سىندى 50-دەن استام شارالار وتەدى، بۇلارعا بەنيندىك شىعارماشىلىق ۇجىمداردىڭ قاتىسۋى ءوزارا بايلانىسقا تىڭ سەرپىن بەرىپ، دوستىقتى نىعايتۋعا ىقپال ەتەر ەدى.

ءوزىنىڭ سوزىندە جورج بادا ابومە-كالاۆي قالاسىنىڭ حالىقارالىق بايلانىستى نىعايتىپ، دامىعان قالالاردىڭ ۇزدىك پراكتيكاسىن يگەرۋگە مۇددەلى ەكەنىن جەتكىزدى.

«مەن كوپتەگەن ەلدەردە بولدىم، قازاقستانعا كەلۋىم العاش رەت. الماتىنىڭ كۇزگى كورىنىسى مەنى ءتانتى ەتتى. بىزگە قالانىڭ قاي باعىتتا دامۋى، تۋىنداعان ماسەلەلەردىڭ قالاي شەشىمىن تاباتىنى قىزىق. ونىڭ ۇستىنە مەگاپوليس تاۋدىڭ ەتەگىنە ورنالاسقان ەكەن، دەمەك سىزدەردە توتەنشە جاعدايلاردىڭ الدىن الۋ جانە قورعانۋ بويىنشا ناقتىلى تاجىريبە جيناقتالعان. تىعىز بايلانىس ورناتىپ، تاجىريبە الماساتىن بولامىز. بولاشاقتا بەنين قازاقستاندىقتار ءۇشىن باتىس افريكانىڭ ەسىگىنە اينالادى دەگەن ۇمىتتەمىز»، - دەدى ابومە-كالاۆي مەرى.

Abai.kz