وسى جىلدىڭ 16 ناۋرىزىندا «قازمۇنايگاز» ۇلتتىق كومپانياسى جانە «ستاتويل» كاسپي تەڭىزىنىڭ قازاقستاندىق سەكتورىنداعى «اباي» بلوگى بويىنشا قاعيداتتار تۋرالى كەلىسىمگە (قتك) قول قويدى.

وسى كەلىسىمگە وراي تاراپتار «اباي» جوباسىن ىسكە اسىرۋ بارىسىندا بىرلەسكەن قىزمەت شارتتارى بويىنشا ۇيلەستىرۋ جۇمىستارىن جۇرگىزۋدى جوسپارلاپ وتىر. سونىمەن بىرگە تاراپتار الداعى ۋاقىتتا كاسپي تەڭىزى شەلفىندەگى بلوكتاردى يگەرۋ كەزىندە پايدالانىلاتىن وزدىگىنەن كوتەرىلەتىن بۇرعىلاۋ قوندىرعىسىن دايىنداۋعا «ستاتويلدىڭ»  قاتىسۋى تۋرالى كەلىستى.

- ءبىز حالىقارالىق تەڭىز مۇناي-گاز جوبالارىن ىسكە اسىرۋ بارىسىندا «ستاتويل» كومپانياسىمەن ىنتاماقتاسۋعا، بۇل كومپانيانىڭ تاجىريبەسى مەن تەحنولوگياسىن تارتۋعا قىزىعۋشىلىق تانىتامىز. قاعيداتتار تۋرالى قول قويىلعان كەلىسىم تاراپتاردىڭ كاسپي تەڭىزىندە ءبىزدىڭ كومپانيالارىمىزدىڭ  ستراتەگيالىق جاعىنان بىرلەسە جۇمىس ىستەۋگە دەگەن نيەتىن كورسەتەدى،- دەپ اتاپ ايتتى  «قازمۇنايگاز» ۇك اق باسقارماسىنىڭ توراعاسى قايىرگەلدى قابىلدين.

«اباي» بلوگىنا بىرلەسىپ وپەراتورلىق ەتۋدىڭ «ستاتويل» ءۇشىن حالىقارالىق ماڭىزى بار. بۇل كەلىسىم «ستاتويلدىڭ» قازاقستانعا قايتىپ ورالۋىنا مۇمكىندىك جاسايدى، سول سەبەپتى مەن «قازمۇنايگاز» ۇلتتىق كومپانياسىمەن بەرىك ارىپتەستىك ورناتىلعانىنا وتە قۋانىشتىمىن، - دەدى «ستاتويلدىڭ» بارلاۋ جونىندەگى اتقارۋشى ۆيتسە-پرەزيدەنتى تيم دودسون.

وسى جىلدىڭ 16 ناۋرىزىندا «قازمۇنايگاز» ۇلتتىق كومپانياسى جانە «ستاتويل» كاسپي تەڭىزىنىڭ قازاقستاندىق سەكتورىنداعى «اباي» بلوگى بويىنشا قاعيداتتار تۋرالى كەلىسىمگە (قتك) قول قويدى.

وسى كەلىسىمگە وراي تاراپتار «اباي» جوباسىن ىسكە اسىرۋ بارىسىندا بىرلەسكەن قىزمەت شارتتارى بويىنشا ۇيلەستىرۋ جۇمىستارىن جۇرگىزۋدى جوسپارلاپ وتىر. سونىمەن بىرگە تاراپتار الداعى ۋاقىتتا كاسپي تەڭىزى شەلفىندەگى بلوكتاردى يگەرۋ كەزىندە پايدالانىلاتىن وزدىگىنەن كوتەرىلەتىن بۇرعىلاۋ قوندىرعىسىن دايىنداۋعا «ستاتويلدىڭ»  قاتىسۋى تۋرالى كەلىستى.

- ءبىز حالىقارالىق تەڭىز مۇناي-گاز جوبالارىن ىسكە اسىرۋ بارىسىندا «ستاتويل» كومپانياسىمەن ىنتاماقتاسۋعا، بۇل كومپانيانىڭ تاجىريبەسى مەن تەحنولوگياسىن تارتۋعا قىزىعۋشىلىق تانىتامىز. قاعيداتتار تۋرالى قول قويىلعان كەلىسىم تاراپتاردىڭ كاسپي تەڭىزىندە ءبىزدىڭ كومپانيالارىمىزدىڭ  ستراتەگيالىق جاعىنان بىرلەسە جۇمىس ىستەۋگە دەگەن نيەتىن كورسەتەدى،- دەپ اتاپ ايتتى  «قازمۇنايگاز» ۇك اق باسقارماسىنىڭ توراعاسى قايىرگەلدى قابىلدين.

«اباي» بلوگىنا بىرلەسىپ وپەراتورلىق ەتۋدىڭ «ستاتويل» ءۇشىن حالىقارالىق ماڭىزى بار. بۇل كەلىسىم «ستاتويلدىڭ» قازاقستانعا قايتىپ ورالۋىنا مۇمكىندىك جاسايدى، سول سەبەپتى مەن «قازمۇنايگاز» ۇلتتىق كومپانياسىمەن بەرىك ارىپتەستىك ورناتىلعانىنا وتە قۋانىشتىمىن، - دەدى «ستاتويلدىڭ» بارلاۋ جونىندەگى اتقارۋشى ۆيتسە-پرەزيدەنتى تيم دودسون.

«قازمۇنايگاز» ۇك اق  «اباي» بلوگى جەر قويناۋىن پايدالانۋ قۇقىعىنا  يە بولۋ  ماسەلەسى بويىنشا قازاقستان رەسپۋبليكاسى مۇناي جانە گاز مينيسترلىگىمەن تىكەلەي كەلىسسوز جۇرگىزۋدى جوسپارلاپ وتىر. تاراپتار جوبانى جۇزەگە اسىرۋ بارىسىندا قازاقستاندىق قىزمەتكەرلەردى وقىتۋ جانە الەۋمەتتىك جوبالاردى قارجىلاندىرۋ مىندەتتەرىن ءوز مويىندارىنا الادى.

انىقتاما:

قازاقستان رەسپۋبليكاسى جانە نورۆەگيا كورولدىگى دوستىق بايلانىستار مەن ىنتىماقتاستىقتى جانە مۇناي-گاز سالاسىندا  كەلىسىم مەن ىنتىماقتاستىقتى ءارى قاراي دامىتۋ جونىندە بىرلەسكەن دەكلاراتسياعا 2004 جىلدىڭ 25 مامىرىندا قول قويدى.

2005 جىلدىڭ 30 ماۋسىمىندا «قازمۇنايگاز» ۇك اق جانە «ستاتويل» «اباي» ۋچاسكەسىندە ىقتيمال ىنتىماقتاستىق جونىندەگى ءوزارا تۇسىنىستىك  تۋرالى مەموراندۋمعا قول قويدى.

2010 جىلدىڭ 3 ماۋسىمىندا «قازمۇنايگاز» ۇك اق جانە «ستاتويل» الماتى قالاسىندا وتكەن  4-ءشى حالىقارالىق ينۆەستيتسيالىق سامميت شەڭبەرىندە ءوزارا ىنتىماقتاستىق تۋرالى مەموراندۋمعا قول قويدى.

اباي ۋچاسكەسى كاسپي تەڭىزى قازاقستان سەكتورىنىڭ سولتۇستىك بولىگى جاعالاۋىنان 8-10 م.تەرەڭدىكتە 65 شاقىرىم قاشىقتىقتا ورنالاسقان.