بەيسەنبى, 15 ءساۋىر 2021
2733 0 پىكىر 2 قازان, 2018 ساعات 09:38

مەديتسينا سالاسى بويىنشا نوبەل سىيلىعى يەگەرلەرى انىقتالدى

امەريكالىق يممۋنولوگ عالىم دجەيمس ەلليسون مەن جاپونيا عالىمى تاسۋكو حوندجو نوبەل سىيلىعىنىڭ مەديتسينا جانە فيزيولوگيا سالاسى بويىنشا لاۋرەاتى اتاندى. ولار قاتەرلى ىسىكتەن يممۋندى تەراپيا ارقىلى ەمدەۋ ءتاسىلىن جاساپ شىعارعان.

ەلليسون قاتەرلى ىسىك جاسۋشالارىمەن ءتيىمدى كۇرەسۋ ءۇشىن يممۋندىق جۇيەنىڭ جۇمىسىن باياۋلاتۋعا كومەكتەسەتىن اقۋىزدى زەرتتەۋمەن اينالىستى. عالىمدار سونىمەن قاتار مەلانومادان جانە قاتەرلى ىسىكتىڭ باسقا تۇرلەرىن ەمدەۋدىڭ جاڭا ءتاسىلىن بىرىگىپ جاسادى.

2017 جىلى بۇل سىيلىققا "فيزيولوگيا جانە مەديتسينا" سالاسى بويىنشا 361 ادام ۇسىنىلعان. اقش-تىڭ ءبىر توپ عالىمدارى لاۋرەات اتانعان: مايكل يانگ، دجەففري حولل جانە مايكل روسباش – تسيركادتى ىرعاقتى باقىلايتىن مولەكۋليارلىق مەحانيزمدەرى ءۇشىن بەرىلگەن.

سىيلىقتى رەسمي تابىستاۋ ءراسىمى ادەتتەگىدەي 10 جەلتوقساندا ستوكگولمدە نوبەلدىڭ دۇنيەدەن وتكەن كۇنى بەرىلەدى. قوس عالىمعا سىيلىقتىڭ 9 ميلليون شۆەد كرونىنا تەڭ (1 ميلليون دوللار) اقشالاي جۇلدەسى بەرىلەدى.

Abai.kz

0 پىكىر