بىزدە بيلىك باسىنداعىلار مەن بانكتەر، كۆازيمەملەكەتتىك قارجى ينستيتۋتتارى "كəسىپكەر" دەگەننىڭ كىم ەكەنىن بىلمەيدى. ولاردىڭ كəسىپكەرلىكتى قارجىلاندىرۋ تۋرالى شارتتارىن قاراساڭىز تاڭ قالاسىز. ولارعا قارىزى جوق، بۇرىن نەسيە الىپ ونىسىن ۋاقتىلى جاۋىپ تۇرعان، نەسيە جابۋدى ءومىرى كەشىكتىرمەگەن، جاقىن ادامدارى دا تاپ-تازا كەرەمەت تۇلعالار كەرەك. "بۇرىن بانكروت بولساڭىز تىپتەن جولاما" دەيدى. مۇنداي شارتقا ساي كەلەتىن قازاقستاندا كəسىپكەر بار ما؟

وۋ، اينالايىن مينيسترلەر، بانكيرلەر! وزدەرىڭ ءبىر كىشكەنە كəسىپ اشىپ كورگەنسىڭدەر مە؟ كəسىپكەر بولىپ قالىپتاسۋ ءۇشىن ادامنىڭ ماڭدايى ءبىر ەمەس بىرنەشە رەت تاسقا تيەدى. ناعىز ءوز ەڭبەگىمەن كəسىپكەر بولعاندار مۇنى بىلەدى. Əلدە مەملەكەت باعدارلاماسى اياسىنداعى قارجىلار، قولدان كوكەلەرى قارجىلاندىرىپ تاپ-تازا ەتىپ قولدان جاساعان "كنياز كəسىپكەرلەر" ءۇشىن بولىنە مە؟ وندايلار كəسىپكەر بولىپ جارىتپايدى. وندايلار بولىنگەن قارجىنىڭ جارتىسىن جەكە قالتاسىنا باسىپ، ء"وندىرىسىڭ ومەرەم قاتسىن" دەيدى. مىنە، سوندىقتان ءبىزدىڭ ۋرالاپ اشقان وندىرىستەرىمىزدىڭ توقتاپ قالعانى.

قارجىنى، وندىرىسپەن اينالىسام دەپ əرەكەت جاساعان، بۇرىن نەسيە الىپ ونى قايتارۋدىڭ قيىندىعىن باسىنان وتكىزگەن، نەسيەسىن ۋاقتىلى قايتارا الماي زارداپ شەككەن، ياعني ماڭدايى تاسقا تيگەن، بىراق وندىرىسپەن اينالىسۋدى باستى ماقسات ەتكەن تاباندى دا تالاپتى، تəجىريبەلى كəسىپكەرگە بەرۋ كەرەك. سوندايلاردى ىزدەپ ءجۇرىپ بەرۋ كەرەك. دامىعان ەلدەردىڭ بانكتەرى ءبىر نەمەسە ەكى رەت بانكروت بولعان كəسىپكەرلەرگە باسىمدىق بەرەدى.

قازىر بىزدەگى كəسىپكەرلەردىڭ قاسىرەتى "كرەديتنايا يستوريا" بولدى. تازالاپ الىپ كەل دەيدى. تازانى تابامىن دەپ بار حالىقتى نەسيەگە تىعۋ ماقسات پا؟
مىرزالار، جەرگە تۇسىڭىزدەر! كəسىپكەردىڭ ناعىز ومىرىنە ۇڭىلىڭىزدەر! شارتتى وزگەرتىڭىزدەر! سول كەزدە ناعىز كəسىپكەرلەر پايدا بولادى! قولدان كوكەلەرى جاساعان "تاپ-تازا" 1000 كəسىپكەردەن، كəسىپكەرلىكتىڭ بار قيىندىعىن باسىنان وتكىزگەن 1 كəسىپكەر ارتىق! وسىنى ەستە ساقتاڭىزدار!

ءابدىمۇتالىپ كوبەەۆتىڭ facebook پاراقشاسىنان

Abai.kz