جۇما, 29 ناۋرىز 2024
جالقى سۇراق 4719 4 پىكىر 17 قازان, 2018 ساعات 11:00

قوستانايدىڭ ءبىر عانا شەنەۋنىگى رۋمىنيانىڭ التى سەناتورىنىڭ كولىگىنە مىنەدى

ءبىز ادەتتە وركەنيەتتى ەلدەردەگى جاقسى ىستەرگە ءسۇيسىىنىپ، ولاردىڭ جەتكەن جەتىستىگىنە قىزىعىپ، ءوزىمىز دە سولارداي بولۋعا تىرىسىپ جاتامىز. مۇنى جامان نارسە دەۋگە بولماس. وزىمىزگە پايداسى تيەتىن، سولارمەن تەرەزەسى تەڭ بولۋعا جول اشاتىن دۇنيەلەردەن ۇلگى الساق، جاراسىمدى ەمەس پە؟ الايدا بىزدە ءبارى دە كەرىسىنشە بولىپ شىعادى. ماسەلەن، ولاردىڭ قانداي نارسەگە دە اسقان ۇنەمشىلدىكپەن، حالىقتىڭ اقشاسىن مەيلىنشە قايتارىمدى ەتىپ جۇمساۋعا تىرىساتىنى سەكىلدى قاسيەتتەرى سانامىزعا سىڭبەي، كوڭىلىمىزگە قونباي قويدى. الدە مۇنىڭ سەبەبى ءبىزدىڭ ءوزىمىز كۇندە ايتا بەرەتىن ايرىقشا مەنتاليتەتىمىزدەن بە ەكەن؟

ءجا، فاكتىلەرگە ءسوز بەرەلىك. الدىمەن مىنا سۋرەتكە كوز سالىڭىز. وندا ەۋروپادااعى كىشكەنە عانا ەل - رۋمىنيانىڭ زاڭ شىعارۋشى ورگاننىڭ وكىلدەرى - سەناتورلار مىنگەن كولىكتەردى كورەسىز.

وسىناۋ قازداي ءتىزىلىپ تۇرعان ماشينالار - جاقىندا عانا قايتا جاڭعىرتىلعان  Dacia Logan اتتى كولىكتەر. ىشىندە بارلىق جاعداي جاسالىنعان بۇل كولىكتىڭ قۇنى بارلىعى 9 مىڭ 020 ەۆرو تۇرادى. ءبىزدىڭ تەڭگەمىزگە شاققاندا  3,5 ميلليون تەڭگەدەن ءسال عانا اسادى. مىنە وسىنداي قاراپايىم عانا ماشينامەن سول ەلدىڭ دىرداي دەپۋتاتتارى ءوز قىزمەتىن ەش قىسىلماستان اتقارىپ ءجۇر. قىسىلعاندى ايتاسىز، قايتا ولار مۇنداي قاراپايىمدىلىقتى ماقتان ەتەدى. بيۋدجەتتىڭ، ياعني حالىقتىڭ اقشاسىن بوسقا ىسىراپ ەتپەيتىنىن قاراپايىم  جۇرتقا ايقىن تانىتىپ وتىر. ايتپاقشى، بۇل ماشينالار سول رۋمىنيانىڭ وزىندە قۇراستىرىلادى. مىنەكەي، ءوز ەلىندەگى اۆتوموبيل ونەركاسىبىنە قولداۋ كورسەتۋدىڭ بۇدان اسقان قانداي دالەلىن كوردىڭىز.

ال بىزدە شە؟ ءبىز ەندى ءوزىمىزدىڭ پارلامەنتىمىزدىڭ دەپۋتاتتارىنىڭ مىنەتىن كولىكتەرىن ايتپاي-اق قويالىق. كەيبىرەۋلەرىمىزدىڭ جۇرەكتەرىنە سالماق ءتۇسىپ كەتەر. تەك ءوزىمىزدىڭ قوستاناي وبلىسىنا كوز جىبەرەلىك. ول ءۇشىن باستى سۋرەتكە ءبىر ءسات نازار سالىڭىز.

بۇل - ءبىزدىڭ قوستانايدىڭ شەنەۋنىكتەرىنىڭ ءبىر جينالىسقا ءمىنىپ كەلگەن كولىكتەرىنىڭ سۇلۋ سىمباتتارى. وسىناۋ سىلاڭداعان كولىكتەردىڭ ەلىمىزدە جاسالىنعان ماشينا ەمەستىگىن بىلاي قويعاندا، شەتەلدىك اسا قىمبات ماشينالاردىڭ قاتارىنا جاتاتىنىن بايقاۋ قيىن ەمەس. ماسەلەن، بۇلار-- ءبىزدىڭ شەنەۋنىكتەردىڭ ەرەكشە جاقسى كورەتىن ToyotaLandCruiser 200 ماشينالارى. ال ەندى ونىڭ باعاسىن باجايلاپ كورەلىك. ول وسى كولىكتى ساتاتىن www.toyota.kz اتتى رەسمي سايتتا ەڭ ارزانى 22 ميلليون 670 مىڭگە تۇراتىندىعى تايعا تاڭبا باسقانداتسي ەتىپ كورسەتىلگەن. ال ەگەر جاي ەسەپشوتقا سالىپ، قاعىپ جىبەرسەك، وسىنداي ءبىر ماشيناعا رۋمىندىق 6 بىردەي ماشينا ساتىپ الۋعا بولادى ەكەن.

ءبىز وسى تىم رومانتيكپىز-اۋ دەيمىن، جوعارىدا بايقاماي 6 ماشينا الۋعا بولادى دەپ جازدىق. ءسويتتىم دە ءتىلىمدى تىستەپ قالدىم. ءبىزدىڭ شەنەۋنىكتەر رۋمىننىڭ دەپۋتتارى سەكىلدى جاڭاعىداي قاراپايىم ماشينا مىنەدى دەگەندى وڭىمىزدە تۇگىلى تۇسىمدە دە كورە الماسپىز. ويتسە، تاعىنان ءتۇسىپ قالماي ما؟ جاي ماشينا مىنسە حالىقتىڭ كوزىنە قالاي قارايدى؟ بۇكىل بەدەلىنەن ايرىلماي ما؟ ونداي شەنەۋنىكتەردى كىم سىيلايدى؟ قوي، مەن دە قايداعى-جايداعىنى ويلاپ كەتەدى ەكەنمىن. ولاي دەيىن دەسەم، ەلباسىنىڭ قاشاندا شەنەۋنىكتەرگە ءوز ءاۆتووندىرىسىمىزدى قولداۋ كەرەكتىگىن ايتۋدان جالىققان ەمەس. تەك تىڭدايتىن قۇلاق بولسا.

ايتپاقشى،  قازاقستاننىڭ اۆتوموبيل سالاسى كاسىپورىندارى ونداعى مەملەكەتتىك مەكەمەلەرگە شەتەلدىك كولىكتەردى ساتىپ الۋىنا تيىم سالۋ تۋرالى باستاما كوتەردى. ونىڭ توراعاسى ولەگ الفەروۆتىڭ ايتۋىنا قاراعاندا مەملەكەتتىك مەكەمەلەر بىلتىرعى جىلى عانا جالپى باعاسى 4,7 ميلليارد تەڭگە تۇراتىن 461 شەتەلدىك قىمبات كولىك ساتىپ العان. بيىلعى جىلدىڭ وزىندە عانا ولار جاڭاعىداي التى كولىككە يە بولىپ ۇلگىرگەن. شەنەۋنىكتەر نەگىزىنەن شەتەلدىڭ Toyota ماركالى ماشيناسىنا اسا قۇمار كورىنەدى.

- ەگەر ناقىتاپ ايتار بولساق، قوستاناي وبلىستىق ىشكى ىستەر دەپارتامەنتى باعاسى 13,9 ميلليون تەڭگە تۇراتىن Toyota Hilux ماشيناسىن، شىمكەنت ءماسليحاتىنىڭ اپپاراتى باعاسى 12,9 ميلليون تەڭگە تۇراتىن Toyota Camry ماشيناسىن،  شىعىس قازاقستان وبلىستىق تۋبەركۋلەزگە قارسى ديسپانسەرى باعاسى 12,9 ميلليون تەىڭگە تۇراتىن Mitsubishi Outlander ماشيناسىن ساتىپ العان. مۇنداي مىسالدار جەتىپ ارتىلادى، - دەيدى ول ناقتى فاكتىلەردى العا تارتىپ.

ءبارى ءجون عوي، ارينە، الايدا ەگەر ءبىزدىڭ شەنەۋنىكتەر ءتىپتى ەلباسىنىڭ ءسوزىن ەلەڭ قىلماسا، وندا قايداعى ءبىر قوعامدىق ۇيىم باسشىسىنىڭ ايتقانىن قۇلاعىنا قىستارار دەيمىسىڭ.

ءبىز وسىنداي داڭعويلىق پەن ىسىراپشىلدىقتان قاشان ارىلار ەكەنبىز؟ الدە ول وزىمىزبەن بىرگە كەتەتىن «ۇلتتىق سىرقاتىمىز» با؟

جايبەرگەن بولاتوۆ، قوستاناي

Abai.kz

  

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564