تەگىن حابارلامالارعا ارنالعان Olx.kz سايتىندا تاراقان ساۋداسى تۋرالى ۇسىنىستار كوپ. كوبىنە ونى ورمەكشىلەردى، سۇتقورەكتىلەردى تاماقتاندىرۋ ءۇشىن ۇسىنادى، بىراق ءۇي جاندىگى رەتىندە ساتۋشىلار دا تابىلادى.

ءتىرى "تاۋاردىڭ" تۇرلەرى دە كوپ. ساتىپ الۋشىلارعا ءمارمار جانە ماداگاسكار تاراقاندارىن ۇسىنادى. سونىمەن بىرگە، بانان ءتۇستى تاراقاندار، تۇركىمەن، امەريكا، كۋبا تاراقاندارىن دا تابۋعا بولادى. ءىرى ەگيپەت تاراقاندارىن ساۋدالاۋشىلار دا جوق ەمەس.

جاندىك تۇرىنە قاراي 30-دان 800 تەڭگەگە (2 دوللار) دەيىن ساۋدالانادى. 2-3 مىڭ تەڭگەگە كوتەرمە باعامەن الۋعا دا بولادى.

تاراقان وسىرۋشىلەر ولاردى كۇتۋدىڭ قيىندىعى جوقتىعىن ايتادى. ەڭ باستىسى، ولار قاشىپ كەتپەيتىن جەردە ۇستاۋ كەرەك. بۇعان قوسا تاراقان ساتۋشىلار ونىڭ تۇرلەرى مەن ءومىر ءسۇرۋ ورتاسىن، نە جەيتىنىنە دەيىن ايتىپ بەرۋگە ءازىر.

Abai.kz