2000-شى جىلداردىڭ باسىندا ەردوعان بيلىككە كەلگەننەن كەيىن وزىنە دەيىن مەملەكەت باسقارعان ەليتانىڭ شەتەلمەن جاساسقان نەبىر قۇپيا قۇجاتتارى مەن كەلىسىمدەرىن وقىپ، تانىسىپ "ۋا، جاراتۋشىم، مىنا تۇركيا كىمدەردىڭ قولىندا قالعان؟" دەگەن ەكەن.

ءبىزدىڭ ەلدە مەكتەپ عيماراتتارىن ارەنداعا بەرىپ بيزنەس جاساڭدار دەگەن كىسىلەر دە ەل باسقارىپ ءجۇر. كەيدە وسىنداي انەكدوتقا بەرگىسىز اڭگىمەلەردى ەليتانىڭ اۋزىنان ەستىگەندە "وسى ءبىزدىڭ ەلدى كىمدەر باسقارىپ وتىر؟" دەگەن سۇراقتى وزىڭە ەرىكسىز قوياسىڭ.

ءبىر نارسە انىق. ءبىزدى تاۋەلسىزدىك العان 27 جىلدا ەشقاشان، ەشكىممەن كونكۋرەنتسياعا ءتۇسىپ كورمەگەن، تەك جابىق ءارى ءوزىنىڭ كومفورتنىي زوناسىندا عانا ءومىر سۇرە الاتىن "ەليتا" باسقارىپ وتىر. وزدەرى وزىنە جاساپ العان كومفورتنىي زونانىڭ شاڭىراعى شايقالعان كۇنى اتتان اۋىپ ءتۇسۋى مۇمكىن. كونكۋرەنتسيا جوق جۇيەدە بىلىكتى مامانداردان كورى جوعارىداعى ساناۋلى باسشىعا جاعا بىلگەن ازاماتتار عانا وسەدى. نەشە ءتۇرلى انەكدوتتاردى ءجيى-ءجيى ەستىپ تۇراتىنىمىز دا وسى باسەكەسىز، جابىق جۇيەنىڭ جەمىسى.

"ەليتانىڭ" اۋزىنان ەل ىشىندە انەكدوت بولاتىن نەشە ءتۇرلى اقىلداردى ءالى كوووپ ەستي بەرەتىن بولامىز...

باۋىرجان سەرىكبايدىڭ facebook پاراقشاسىنان

Abai.kz