قازاقستاندا ىشكى ىستەر دەپارتامەنتتەرى قر ۇكىمەتىنىڭ 2018 جىلعى 16 قازانداعى № 637 قاۋلىسىنا سايكەس پوليتسيا دەپارتامەنتى بولىپ وزگەرتىلدى، دەپ حابارلايدى اباي-اقپارات قازاقپاراتقا سىلتەمە جاساپ.

بۇداي بىلاي ماسەلەن، قر ىشكى ىستەر مينيسترلىگى استانا قالاسىنىڭ ىشكى ىستەر دەپارتامەنتى قر ىشكى ىستەر مينيسترلىگى استانا قالاسىنىڭ پوليتسيا دەپارتامەنتى بولىپ اتالادى. نەمەسە قر ءىىم اقتوبە وبلىسىنىڭ ىشكى ىستەر دەپارتامەنتى قر ءىىم اقتوبە وبلىسىنىڭ پوليتسيا دەپارتامەنتىنە اينالدى.

وسىلايشا، بارلىق وبلىستىڭ دەپارتامەنتتەرى قايتا اتالادى. سايكەسىنشە، رەسپۋبليكانىڭ تۇگەل قالالىق ىشكى ىستەر باسقارمالارى مەن اۋداندىق ىشكى ىستەر بولىمدەرى پوليتسيا باسقارمالارىنا جانە پوليتسيا بولىمدەرىنە اينالادى.

سونداي-اق، قر ءىىم كولىكتەگى ىشكى ىستەر دەپارتامەنتى قر ءىىم كولىكتەگى پوليتسيا دەپارتامەنتى بولىپ وزگەرتىلدى.

ايتا كەتەيىك، پرەزيدەنت نازارباەۆ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى بيىلعى جولداۋىندا قۇقىق قورعاۋ ورگاندارىنىڭ جۇمىسىنا تەرەڭ جانە ساپالى وزگەرىستەر قاجەتتىگىن ايتقان ەدى.

ەلباسى ۇكىمەتكە پرەزيدەنت اكىمشىلىگىمەن بىرلەسىپ، «ىشكى ىستەر ورگاندارىن جاڭعىرتۋ جونىندەگى جول كارتاسىن» قابىلداۋدى تاپسىردى.

رەفورمالار 2019 جىلدىڭ 1 قاڭتارىنان باستاپ جۇزەگە اسىرىلا باستاۋى ءتيىس.

Abai.kz