«وپەراتسيالار كەزىندە بارلىعى 87,5 مىڭنان اسا سودىر جويىلىپ، 1411 ەلدىمەكەن جانە سيريا تەرريتورياسىنىڭ 95 پايىزدان كوبى ازات ەتىلدى» دەگەن شويگۋ.
ءمينيستردىڭ ايتۋىنشا، سيريا تۇرعىندارىنىڭ 90 پايىزدان استامى تۇرىپ جاتقان تەرريتوريانى سيريالىق ۇكىمەت باقىلاۋىندا ۇستاپ وتىر.
شويگۋدىڭ وڭتۇستىك-شىعىس ازيا مەملەكەتتەرى اسسوتسياتسياسى (اسەان) قورعانىس مينيسترلەرىنىڭ سينگاپۋردەگى كەڭەسىندە سويلەگەنى تۋرالى حابار ءتۇرلى بۇقارالىق اقپارات قۇرالدارىنا تۇسكەن. بىراق شويگۋ سيريادا قانشا رەسەيلىك اسكەري قىزمەتكەردىڭ قازا تاپقانى تۋرالى ەشقانداي مالىمەت كەلتىرمەگەن.
رەسەي سيرياداعى اسكەري وپەراتسيالارعا 2015 جىلدان باستاپ رەسمي تۇردە قاتىسا باستاعان.
رەسمي دەرەكتەر بويىنشا، سيريادا 2015 جىلدان بەرى 91 رەسەيلىك اسكەري اجال قۇشقان. سونىڭ اراسىندا 39 ادام بيىل ناۋرىزدا اسكەري-كولىك ۇشاعى اپاتقا ۇشىراعاندا مەرت بولعان. بۇل تەك رەسەيلىك قارۋلى كۇشتەر قىزمەتكەرلەرىنە قاتىستى دەرەكتەر. سيرياداعى سوعىسقا جەكە مەنشىك اسكەري توپتاردىڭ قۇرامىندا قاتىسقان رەسەيلىكتەر تۋرالى مالىمەت بۇل ەسەپكە ەنبەگەن.
Abai.kz
