«اق جول» جەتەكشىسى ازات پەرۋاشەۆ ماجىلىستە وتكەن دەنە شىنىقتىرۋ جانە سپورت تۋرالى زاڭ جوباسىن تالقىلاۋ بارىسىندا بىرقاتار ماسەلەلەرگە بايلانىستى ءوز كوزقاراسىن ورتاعا سالدى.

«مەملەكەت باسشىسى بيىلعى جولداۋىندا الەۋمەتتىك ينفراقۇرىلىمنىڭ قولجەتىمدىلىگىن قامتاماسىز ەتۋدى، 100 سپورت كەشەنىن اشۋدى جانە جاڭا سپورت عيماراتتارىندا مەكتەپ وقۋشىلارىنىڭ سپورتپەن تەگىن شۇعىلدانۋىن قولعا الۋدى تاپسىردى. نەلىكتەن زاڭ جوباسىندا بۇل نورمالار جوق؟ «اق جول» فراكتسياسى اتالمىش زاڭعا وسىنداي تالاپتاردى ەنگىزەتىن بولادى»، - دەدى دەپۋتات.

ول مەملەكەتتىك قاراجاتقا سالىنعان كەشەندەردىڭ جەكە مەنشىك يەلەرىنە بەرىلىپ، كەيىن ولار جاتتىعۋلار ءۇشىن 5 مىڭ تەڭگەدەن باستالاتىن، قاراپايىم حالىق ءۇشىن قولجەتىمسىز باعالاردى بەلگىلەگەنى جونىندە مىسالدار كەلتىرىپ ءوتتى.

«سايىپ كەلگەندە، بۇل نىساندار سول بالالاردىڭ اتا-انالارى تولەگەن سالىقتارىنىڭ ەسەبىنەن سالىنادى. نەلىكتەن ولاردان اقشا تالاپ ەتىپ، ەسىكتەرىن تارس بەكىتەدى؟ بۇل جەردە بۇقارالىق سپورت نەمەسە قولجەتىمدى سپورت زالدارى تۋرالى قانداي ءسوز بولۋى مۇمكىن؟ سودان كەيىن بارىپ ءار جەردەن شەتەلدىك لەگيونەرلەردى شاقىرامىز»، - دەپ ءوز اشۋىن جاسىرمادى پەرۋاشەۆ.

«لوندوندا وتكەن ويىندى ەستەرىڭىزگە الساڭىزدار – 7 بىردەي التىن مەدال! ەلگە ۇلكەن قۋانىش اكەلدى، ءاربىر جەڭىمپازعا 250 مىڭ دوللار اقشالاي سىيلىق، پاتەرلەر، وردەندەر...

ال سودان كەيىن دوپينگ داۋى، مەدالداردان ايرىلۋ، نەتكەن قورلىق ەدى..مانەزا، چيشانلو، پودوبەدوۆا ... ولار ەڭ قۇرماعاندا ءوزىمىزدىڭ وتانداستار بولسا يگى ەدى، قازاقستاندا بۇكىل ءومىرىن سپورتقا ارناعان. ولاردى نە سەبەپتى ەلگە تارتتى؟ الاتىن اقشاسىن الىپ، كەيىن لاقتىرىپ كەتۋ ءۇشىن بە سوندا؟

جاقسى، بولاشاقتا سىزدەر سىياقىلاردى قايتارۋدى ۇسىنارسىزدار، ەگەر مەدالدارىنان ايىرسا. ال، سىزدەر سول لەگيونەرلەردەن تىم بولماسا مەملەكەتتىك ناگرادالاردى، وردەندەردى قايتارىپ الدىڭىزدار ما؟»، - دەپ سۇرادى ول.

ۆيتسە-مينيستر ساكەن مۇسايبەكوۆ دوپينگتى قولدانعانى جارىستاردان شەتتەتىلگەن لەگيونەرلەردەن مەملەكەتتىك ناگرادالارى قايتارىلىپ الىنباعانىن ايتتى.

«پرەزيدەنت ايتقانداي سپورت زالدارىن نەگە تەگىن ەتپەسكە، چەمپيوندارىمىزدى ءوزىمىز دايىنداپ شىعارايىق», - دەپ تۇيىندەدى پەرۋاشەۆ. – مەن ءسىزدىڭ مينيسترلىكتەرىڭىز بەينە ءبىر جوعارى جەتىستىكتى سپورت تۇرىنە عانا ەمەس، سىزدەر بالالار سەكتسياسىنان باستاپ بۇقارالىق سپورتقا جاۋاپ بەرۋلەرىڭىز قاجەت».

«اق جول» جەتەكشىسى سونداي-اق مينيسترلىكتى «ءادىل ويىنعا» («FairPlay») قاتىستى تەكسەرىس جۇمىستارىن جۇرگىزۋگە شاقىردى. وسى ورايدا قوعامنىڭ نازارىنا ىلىگىپ، ءتۇرلى اڭگىمەلەرگە نەگىز بولعان قىرعىزستاندا وتكەن الەمدىك «كوشپەندىلەر ويىندارىندا» قازاقستاندىق كوكپارشىلاردىڭ وزبەك كومانداسىنان ۇتىلىپ قالعانى جونىندە مىسال كەلتىرىپ ءوتتى. بۇل وقيعا جۇرتشىلىق پەن جانكۇيەرلەردىڭ كۇشتى رەاكتسياسىن تۋعىزىپ، سپورتتىق ەتيكا ماسەلەلەرىنىڭ بەتىن اشتى.

«مينيسترلىك كەلىسىپ الىنعان ويىنداردى نازاردان تىس قالدىرماي، مۇنداي ادىلەتسىزدىككە جول بەرمەۋى كەرەك. ءدال سولاردىڭ كەسىرىنەن تالانتتى سپورتشىلار كەتۋدە، ەلدىڭ سپورتتىق ابىرويىنا نۇقسان كەلۋدە. «اق جول» فراكتسياسى زاڭ جوباسىنا سپورتتىق ەتيكا جونىندە وسىنداي ۇسىنىستاردى ەنگىزەدى»، - دەپ اتاپ ءوتتى پەرۋاشەۆ.

س. مۇسايبەكوۆ كوشپەندىلەر ويىندارىندا ورىن العان جاعداي بارىپ تۇرعان سوراقىلىق ەكەنىمەن كەلىستى. «ءبىزدىڭ كوكپارشىلاردىڭ بارلىق كورسەتكىشتەر بويىنشا وزبەكتەردەن جەڭىلىپ قالۋى مۇمكىن ەمەس ەدى. ولار – الەمدەگى ەڭ مىقتىلارى. ارينە، كەلەشەكتە ارنايى مەحانيزمدەرىمىز بولۋى قاجەت»، - دەپ ول ماسەلەنىڭ ماڭىزدىلىعىن باسا ايتتى.

Abai.kz