پرەمەر-ءمينيستردىڭ ورىنباسارى ەربولات دوساەۆتىڭ الماتى قالاسىنىڭ اكتيۆىمەن كەزدەسۋى بارىسىندا پرەزيدەنتتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىن ورىنداۋداعى ۇكىمەتتىڭ الداعى اتقاراتىن جۇمىستارىنىڭ باستى باعىتتارى تالقىلاندى دەپ حابارلايدى الماتى اكىمدىگىنىڭ ءباسپاسوز قىزمەتى.

مىسالى، مەملەكەت باسشىسى تاپسىرمالارىنىڭ نەگىزگى بولىكتەرىنىڭ ءبىرى وڭىرلەردەگى ازاماتتاردىڭ ءومىرىن جاقسارتۋعا باعىتتالعان. ەربولات دوساەۆ ءوزىنىڭ سوزىندە ەگەر بۇرىن رەسپۋبلكالىق ءمانى بار ينفراقۇرىلىمداردى دامىتۋعا ءمان بەرىلسە، بۇدان بىلاي وڭىرلىك جانە قالالىق ينفراقۇرىلىمداردى وركەندەتۋگە ەرەكشە نازار اۋدارىلاتىنىن، ال بۇل الماتى ءۇشىن وتە ماڭىزدى ەكەنىن اتاپ ءوتتى.

«كەلەر جىلدىڭ 1 قىركۇيەگىنە دەيىن 2030 جىلعا دەيىنگى اۋماقتىق- كەڭىستىكتىك دامۋدىڭ ستراتەگياسى جاسالادى، مۇندا باسقارىلاتىن ۋربانيزاتسياعا اكتسەنت بەرىلەدى. حالىقتى ورنالاستىرۋ، وڭىرلەردىڭ ارنايى سالالارىن انىقتاۋ، ءونىدىرىستى دامىتۋ، ينفراقۇرىلىمدى قامتاماسىز ەتۋ وسى پريزما ارقىلى جۇزەگە اسادى، ال بۇل ەل وڭىرلەرىندە كىشى ۋربانيزاتسيانىڭ قانات جايۋىنا تىڭ سەرپىن بەرەدى. ءتۇرلى ەلدى مەكەندەر – اۋىلدار مەن رەسپۋبليكالىق ءمانى بار قالالار ءۇشىن ايماقتىق ستاندارتتار ءجۇيسىن جاساۋ جوسپارلانۋدا، وندا الەۋمەتتىك قولداۋ مەن مەملەكەتتىك قىزمەت كورسەتۋدىڭ قولجەتىمدىلىگى ناقتىلى ايقىندالادى»، - دەپ اتاپ ءوتتى ەربولات دوساەۆ.

ۇكىمەت باسشىسىنىڭ ورىنباسارى وڭىرلەردى دامىتۋعا جاڭاشا تۇرپاتتا كەلۋ قالا تۇرعىندارىنىڭ تۇرمىس ساپاسىن جاقسارتىپ، وڭىرلىك ەكنوميكانىڭ دامۋىنا وڭ اسەر ەتەتىنىن ايتتى. وڭىرلەردەگى تۇرعىنداردىڭ ءومىرىن جاقسارتۋ «نۇرلى جول» جانە «نۇرلى جەر» سىندى باعدارلامالاردى 2025 جىلعا دەيىن جۇزەگە اسىرۋمەن تىكەلەي بايلانىستى.تەك الماتىنىڭ وزىندە عانا جىل اياعىنا دەيىن 2 ملن.كۆ.م. تۇرعىن ءۇيدى ىسكە قوسۋ جوسپارلانعان.

مەكتەپ جاسىنا دەيىنگى مەكەمەلەردە جانە مەكتەپتەردە ءبىلىم بەرۋدىڭ ساپاسىن ارتتىرۋ ءۇشىن بيىلعى جىلدىڭ سوڭىنا دەيىن جول كارتاسى جاسالىپ، بەكىتىلەدى، بۇل قۇجاتتا مەكتەپ جاسىنا دەيىنگى مەكەمەلەر تاربيەشىلەرىنىڭ ءبىلىمىن ارتتىرۋ جانە ءبىرىڭاي بىلىكتىلىك تالاپتارى كورىنىس تابادى، PIZA, SAT, AST سىندى حالىقارالىق ستاندارتتارعا كوشۋ ىسكە اسادى.

بۇلاردان وزگە، مەكتەپتەر قۇرىلىسىن ەلدى مەكەندەردىڭ دامۋ جوسپارلارىمەن سايكەستەندىرۋ تاپسىرىلدى، ال بۇل جەكە سەكتور ينۆەستيتسياسى ەسەبىنەن مەكتەپ قۇرىلىستارىن سالۋ قارقىنىن ارتتىرادى.

Abai.kz