بۇگىن اقوردادا قر پرەزيدەنتى اكىمشىلىگىنىڭ باسشىسى اسەت يسەكەشەۆتىڭ توراعالىعىمەن قازاقستان رەسپۋبليكاسى پرەزيدەنتىنىڭ جانىنداعى  قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ كەزەكتى وتىرىسى بولىپ ءوتتى.

كەڭەستىڭ جۇمىس كۇن ءتارتىبى «رۋحاني جاڭعىرۋ» باعدارلاماسىن ىسكە اسىرۋدىڭ جانە باعدارلامانى باسقارۋ كەڭسەسىنىڭ قىزمەتىن ۇيىمداستىرۋدىڭ ناتيجەلەرىن تالقىلاۋعا ارنالدى.

ۇلتتىق كوميسسيانىڭ توراعاسى وتىرىستى اشا وتىرىپ، «رۋحاني جاڭعىرۋ» باعدارلاماسىنىڭ مەملەكەت باسشىسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىنىڭ نەگىزگى باعىتتارىن ىسكە اسىرۋ اياسىنداعى ەرەكشە ماڭىزىن اتاپ ءوتتى.

قر پرەزيدەنتى اكىمشىلىگىنىڭ باسشىسى «رۋحاني جاڭعىرۋ» باعدارلاماسىنىڭ ورىندالۋىن جاڭا مازمۇنمەن جانە باعىتتارمەن تولتىرۋدىڭ ماڭىزدىلىعىن اتاپ ءوتتى.

- مەملەكەت باسشىسىنىڭ تاپسىرماسىنا سايكەس، تاياۋ ۋاقىتتا جاڭا «اۋىل - ەل بەسىگى» جانە «ءوز جەرىڭدى تانىپ ءبىل» جوبالارى ىسكە قوسىلاتىن بولادى، ولار اۋىلدىق اۋماقتاردىڭ دامۋىنا قوسىمشا سەرپىن بەرمەك، - دەپ اتاپ ءوتتى ءا.يسەكەشەۆ.

كوميسسيا وتىرىسىندا سونداي-اق و.ورازالين، ا.بالاەۆا، د.اباەۆ، ا.ەۆنيەۆ، د.كالەتاەۆ، ا.مۇحامەديۇلى جانە ر.كەنجەحانۇلى ءسوز سويلەدى. بەينەبايلانىس رەجىمىندە جامبىل جانە باتىس قازاقستان وبلىستارىنىڭ اكىمدەرى تىڭدالدى.

تالقىلاۋلار قورىتىندىسى بويىنشا ۇلتتىق كوميسسيانىڭ توراعاسى ۇكىمەتكە 2018-2019 جىلدارعا ارنالعان «رۋحاني جاڭعىرۋ» باعدارلاماسىن ىسكە اسىرۋ جونىندەگى بىرىڭعاي جوسپار ازىرلەۋدى، اۋىل شارۋاشىلىعى مينيسترلىگىنە جاڭا «اۋىل - ەل بەسىگى» الەۋمەتتىك جوباسىن ىسكە قوسۋدى تاپسىردى.

*  *  *

وڭىرلەر باسشىلارىنا جەرگىلىكتى جەرلەردە باعدارلامانىڭ تاپسىرمالارىن بارلىق باسىمدىق باعىتتارى بويىنشا ناقتى ماقساتتار مەن ناتيجەلەرگە قول جەتكىزۋگە كوڭىل بولە وتىرىپ ىسكە اسىرۋ جونىندە تاپسىرمالار بەرىلدى.

ايتا كەتەرلىگى، ۇلتتىق كوميسسيا قر پرەزيدەنتىنىڭ جارلىعىمەن قوعامدىق سانانى جاڭعىرتۋ باعدارلاماسىن ىسكە اسىرۋ، ەلدىڭ ودان ءارى ىلگەرىلەمەلى مادەني-گۋمانيتارلىق دامۋىن قامتاماسىز ەتۋ ماقساتىندا قۇرىلعان.

كوميسسيا قۇرامىنا تانىمال قوعام قايراتكەرلەرى، عالىمدار، جازۋشىلار، جۋرناليستەر، پارلامەنت دەپۋتاتتارى، پرەزيدەنت اكىمشىلىگىنىڭ وكىلدەرى، ۇكىمەت مۇشەلەرى، وڭىرلەردىڭ، استانا، الماتى جانە شىمكەنت قالالارىنىڭ اكىمدەرى، قازاقستان حالقى اسسامبلەياسىنىڭ مۇشەلەرى، ساياسي پارتيالار وكىلدەرى كىرگەن.

Abai.kz