سەيسەنبى, 20 ءساۋىر 2021
ءبىر ساۋال 8813 26 پىكىر 2 قاراشا, 2018 ساعات 11:19

داريعا حانىم، اۋەزوۆتىڭ مىنا ءبىر ناقىلىن بىلەسىز بە؟

داريعا نۇرسۇلتانقىزى! ءسىز شىنايى حالىق قالاۋلىسى بولساڭىز زاڭدارىمىزدا ەش جازىلماعان قىتاي ءتىلىن جاستارعا ناسيحاتتاعانشا، كونستيتۋتسيامىزدا جازىلعان، ءوز اناڭىزدىڭ سۇتىمەن دارىعان مەملەكەتتىك ءتىل – ءوز انا ءتىلىڭىزدى ءبىلۋدى، قۇرمەتتەۋدى جانە ۇيرەنۋدى تالاپ ەتپەيسىز بە؟ ءسىزدىڭ «قىتاي ءتىلىن بىلسەڭىز ميللياردەر بولاسىز» دەپ، جاستاردى ماتەريالدىق جاعىنا ۇگىتتەۋىڭىزدى قالايشا تۇسىنۋگە بولادى؟ 

ءسىز پاتريوت بولساڭىز، "انا سۇتىمەن بويىڭا دارىعان انا ءتىلىڭدى ەشقانداي ميللياردقا ايىرباستاما، انا ءتىلىڭدى اناڭدى ءسۇي، اناڭداي قۇرمەتتە، ۇيرەن، ءوز جەرىڭدى قورعا دەپ، پاتريوتتىق سەزىمگە تاربيەلەمەيسىز بە؟! الەمگە تانىمال قىتاي ءتىلىن جوعارى تۇتىپ، مەملەكەتتىك دەڭگەيگە جەتە الماي، جەتىم بالانىڭ كۇيىن كەشىپ جۇرگەن انا ءتىلىمىزدى مەنسىنبەۋىڭىز، ءبىزدىڭ ۇلتتىق رۋحىمىزدى تاپتاپ، نامىسىمىزدى قورلاعانمەن تەڭ!

ۇلى جازۋشى م.اۋەزوۆ «كىمدە-كىم قازىرگى ۋاقىتتا انا ءتىلىن، ءوزىنىڭ ادەبيەتىن سىيلاماسا، باعالاماسا، ونى ساۋاتتى، مادەنيەتتى ادام دەپ اتاۋعا بولمايدى» دەگەن ەدى. داريعا حانىم، ۇلى جازۋشىنىڭ وسى ءسوزىن بىلە مە ەكەن؟ ال ايگىلى گارۆارد ۋنيۆەرسيتەتىن وتىز جىلدان استام باسقارعان چارلز ۋ. ەلليوت: «مەن ءبىلىم الۋدىڭ اسا ماڭىزدى بولىگى رەتىندە ءبىر عانا ينتەللەكتۋالدى قاجەتتىلىكتى مويىندايمىن، ول – انا ءتىلىن ناقتى ءارى مۇلتىكسىز مەڭگەرۋ»(«يا پريزنايۋ ودنو-ەدينستۆەننوە ينتەللەكتۋالنوە پريوبرەتەنيە كاك نەوبحوديمۋيۋ سوستاۆليايۋششۋيۋ وبرازوۆانيا، ا يمەننو توچنوە ي بەزۋپرەچنوە ۆلادەنيە رودنىم يازىكوم».) - دەگەن بولاتىن.

داريعا حانىم، وسى ەكى ۇلى ادامنىڭ دانا سوزىنە سۇيەنسەم، ءسىزدى ساۋاتتى، مادەنيەتتى دەپ ايتا الماس ەدىم.

تالعات قاتاۋوۆ

Abai.kz

 

 

26 پىكىر