جۇما, 29 ناۋرىز 2024
3262 1 پىكىر 7 قاراشا, 2018 ساعات 10:10

قازاقستان يلون ماسك زىمىرانىنىڭ كومەگىمەن ءوزىنىڭ جەر سەرىگىن ۇشىرادى

قازاقستاننىڭ قورعانىس جانە اەروعارىش ءمينيسترى بەيبىت اتامقۇلوۆ SpaceX كومپانياسىنىڭ "Falcon 9" زىمىران-تاسىعىشىمەن ەكى سپۋتنيك ۇشىراتىنىن راستاپ، جەكەمەنشىك كومپانيانى تاڭداۋ سەبەبىن ايتتى.

جەرگىلىكتى اقپارات قۇرالدارى "قازاقستان اقش-تاعى جەكەمەنشىك SpaceX كومپانياسىنىڭ "Falcon 9" زىمىران-تاسىعىشىمەن فلوريدا شتاتىندا ەكى عىلىمي-تەحنولوگيالىق سپۋتنيك ۇشىرماق" دەپ جازعان.

مينيستر اتامقۇلوۆتىڭ ايتۋىنشا، بۇدان بۇرىن سپۋتنيكتەرىن ۇشىرىپ جۇرگەن رەسەيلىك "دنەپر" باعدارلاماسىنىڭ جابىلۋىنا بايلانىستى قازاقستان وزگە ەلدىڭ زىمىران-تاسىعىشىن ىزدەۋگە ءماجبۇر بولعان.

- بۇل - نارىق. ارزان، وزىمىزگە لايىقتى زىمىران ىزدەدىك. كەيىن "Falcon 9" زىمىرانى، SpaceX كومپانياسىن تاڭدادىق. الدىن الا دايىندىعى، ساقتاندىرۋى بار، 1 ميلليون 300 مىڭ - 1 ميلليون 400 مىڭ دوللارعا ءتۇستى. بۇل وتە ارزان باعا دەۋگە بولادى. سەبەبى، بىردەن ەكى جەر سەرىگىن ۇشىرامىز. ءبىر زىمىرانمەن ءبىر جەر سەرىگىن ۇشىرۋ 10-30 ميلليون دوللارعا دەيىن قىمباتتاپ كەتۋى مۇمكىن. ال ءبىز سپۋتنيكتى باسقا ەلدەردىڭ جەر سەرىكتەرىمەن بىرگە ۇشىرايىن دەپ وتىرمىز، - دەيدى مينيستر اتامقۇلوۆ.

مينيستر اتامقۇلوۆ "Falcon 9" راكەتاسىمەن سپۋتنيك ۇشىرۋ رەسەيلىك زىمىرانداردىڭ قىزمەتىن پايدالانۋدان قانشالىقتى ارزان ەكەنىن ناقتى ايتپادى.

اقش-تىڭ جەكە مەنشىك SpaceX كومپانياسىنىڭ "Falcon 9" زىمىرانى - ءبىر رەتتىك جانە كوپ مارتە پايدالانۋعا جارايتىن اۋىر كلاستى زىمىران ءتۇرى. بيىل كومپانيا باسشىسى يلون ماسك زىمىراننىڭ جەرگە قايتا ورالۋ جۇيەسىن سىناقتان ءساتتى وتكىزىپ، كوممەرتسيالىق عارىش يگەرۋ سالاسىندا توڭكەرىس جاساعان.

حالىقارالىق باسىلىمدار سوڭعى جىلدارى "Falcon 9" رەسەيلىك "سويۋز" زىمىرانىمەن باسەكەدە وزىپ كەلە جاتقانىن ءجيى جازادى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3613