بەيسەنبى, 28 ناۋرىز 2024
3118 0 پىكىر 8 قاراشا, 2018 ساعات 12:35

استانادا «قاسيەتتى قازاق ەلى» حالىقارالىق ونەر فەستيۆالى ءوتتى

2018 جىلدىڭ 7 قاراشاسىندا بەيبىتشىلىك جانە كەلىسىم سارايىندا شەتەلدە تۇراتىن وتانداستارىمىزدىڭ قاتىسۋىمەن «قاسيەتتى قازاق ەلى» حالىقارالىق ونەر فەستيۆالى ءوتتى.

ونەر فەستيۆالىنە ەلىمىزدىڭ ءار وڭىرىنەن كەلگەن قاتىسۋشىلاردان بولەك،  گەرمانيا، فرانتسيا، قىتاي، رەسەي، موڭعوليا، تۇركيا سياقتى الىس-جاقىن شەتەلدەردەن 50-دەن استام قانداستارىمىز قاتىستى.

فەستيۆالدىڭ ماقساتى – وتانداستارىمىزدىڭ شىعارماشىلىق جانە ءبىلىم الەۋەتىن ارتتىرۋ،  ولارعا قاتىستى ماڭىزدى ماسەلەلەردى تالقىلاۋ، تۋعان ءتىل مەن مادەني قۇندىلىقتاردى يگەرۋى تۇرعىسىنان قازاق دياسپوراسىنا ادىستەمەلىك جانە ۇيىمداستىرۋشىلىق قولداۋ كورسەتۋ، تالانتتى ورىنداۋشىلاردى انىقتاۋ جانە قولداۋ كورسەتۋ بولىپ تابىلادى.

فەستيۆال اياسىندا ءمۇشايرا، تەرمە جانە حالىقتىق قولدانبالى ونەر نوميناتسيالارى بويىنشا سايىستار ۇيىمداستىرىلدى.

فەستيۆالدىڭ جەڭىمپازدارىن ماراپاتتاۋ راسىمىنە قر قوعامدىق دامۋ ءمينيسترى دارحان كالەتاەۆ، «وتانداستار قورى» كەۇ پرەزيدەنتى نۇرتاي ابىقاەۆ، استانا قالاسى اكىمىنىڭ ورىنباسارى ەرمەك امانشاەۆ قاتىستى.

قاتىسۋشىلار الدىندا قر قوعامدىق دامۋ ءمينيسترى د.كالەتاەۆ قۇتتىقتاۋ ءسوز سويلەپ،  «قاسيەتتى قازاق ەلى» حالىقارالىق ونەر فەستيۆالى مەملەكەت باسشىسى ن.ءا.نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا جۇزەگە اسىرىلىپ وتىرعانىن اتاپ ءوتتى.

قازىرگى ۋاقىتتا الەمنىڭ 43 مەملەكەتىندە 5 ميليوننان استام قانداستارىمىز تۇرادى. ولاردىڭ باسىم بولىگى قازاقستانمەن شەكارالاس ەلدەردە ءومىر سۇرەدى: وزبەكستان (900 مىڭ ادام), قىتاي (1,5 ملن ادام), رەسەي (800 مىڭ ادام), تۇركمەنستان (65 مىڭ ادام), موڭعوليا (142 مىڭ ادام) جانە قىرعىزستان (33 مىڭ ادام).

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3519