جۇما, 29 ناۋرىز 2024
2564 1 پىكىر 12 قاراشا, 2018 ساعات 11:17

گۇلشارا ابدىقالىقوۆا «بولاشاق» حالىقارالىق ستيپەندياسىنىڭ 25 جىلدىعىنا ارنالعان ءىس-شارالارعا قاتىستى

قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا «بولاشاق» حالىقارالىق ستيپەندياسىنىڭ 25 جىلدىعىنا ارنالعان سالتاناتتى ءىس-شارالارعا قاتىستى. بۇل تۋرالى اقوردانىڭ رەسمي سايتى حابارلادى.

ءىس-شاراعا ءبىلىم جانە عىلىم ءمينيسترى ە.ساعاديەۆ، «استانا» حالىقارالىق قارجى ورتالىعىنىڭ باسقارۋشىسى ق.كەلىمبەتوۆ، دۇنيەجۇزىلىك بانكتىڭ قازاقستانداعى تۇراقتى وكىلى ا.براۋن، مەملەكەتتىك ورگانداردىڭ باسشىلارى، ديپلوماتيالىق كورپۋستىڭ، وتاندىق جانە شەتەلدىك جوعارى وقۋ ورىندارىنىڭ وكىلدەرى، «بولاشاق» ستيپەندياسى بويىنشا وقىپ كەلگەن تۇلەكتەر قاتىستى.

مەملەكەتتىك حاتشى قازاقستان پرەزيدەنتى نۇرسۇلتان نازارباەۆتىڭ فورۋمعا قاتىسۋشىلارعا ارنالعان قۇتتىقتاۋ ءسوزىن وقىپ بەردى. وندا شيرەك عاسىردان بەرى ەلىمىزدىڭ تالانتتى جاستارىنىڭ ءبىلىم الۋىنا ارنالعان «بولاشاق» ستيپەندياسى دۇنيە جۇزىنە تانىلعان قازاقستاندىق برەندكە اينالعاندىعى اتاپ وتىلگەن. «بۇگىندە باعدارلاما تۇلەكتەرى ءبىلىم بەرۋ، دەنساۋلىق ساقتاۋ، مادەنيەت، عىلىم جانە تەحنيكا سالالارىندا جۇزدەگەن عىلىمي ازىرلەمەلەر مەن ءىرى جوبالاردى جۇزەگە اسىرىپ، زور جەتىستىكتەرگە قول جەتكىزۋدە. ءتورتىنشى ونەركاسىپتىك رەۆوليۋتسيا جاعدايىندا ءبىزدىڭ الدىمىزعا جاڭا تالاپتار قويىلۋدا. سوندىقتان، «بولاشاقتىقتاردىڭ» العان ءبىلىمى مەن بىلىگى، الەمنىڭ وزىق ەلدەرىنەن العان ومىرلىك جانە كاسىبي تاجىريبەسى ءتيىمدى پايدالانىلۋعا ءتيىس»، – دەلىنگەن قۇتتىقتاۋدا.

باعدارلاما ىسكە اسىرىلىپ كەلە جاتقان 25 جىل ىشىندە 13,2 مىڭ ستيپەنديا تاعايىندالىپ، ەكونوميكانىڭ باسىمدىعى بار سەكتورلارى ءۇشىن جوعارى بىلىكتى 10,4 مىڭ مامان دايارلاندى. قازىرگى ۋاقىتتا 1,2 مىڭ ستيپەنديات ءبىلىم الىپ جاتىر.

كەزدەسۋ بارىسىندا «بولاشاق» حالىقارالىق ستيپەندياسىن جۇزەگە اسىرۋ ناتيجەسى قورىتىندىلانىپ، ونى ودان ءارى جەتىلدىرۋ جوسپارلارى تالقىلاندى، ۇزدىك «بولاشاقتىقتاردىڭ» وي-پىكىرلەرى تىڭدالدى.

فورۋم اياسىندا الەمدەگى 33 ەلدىڭ جەتەكشى 190 ۋنيۆەرسيتەتى قاتىسقان «International Education Fair» كورمەسى ۇيىمداستىرىلدى. وعان دجوردج ۆاشينگتون ۋنيۆەرسيتەتىنىڭ، ەدينبۋرگ ۋنيۆەرسيتەتىنىڭ، ۆيۋرتسبۋرگ-شۆاينفۋرت قولدانبالى عىلىمدار ۋنيۆەرسيتەتىنىڭ جانە باسقا دا وقۋ ورىندارىنىڭ وكىلدەرى اتسالىسۋدا.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3590