قازاقستاندىق اكتريسا سامال ەسلياموۆا باستى ءرولدى سومداعان «ايكا» ءفيلمى گەرمانيانىڭ كوتتبۋس قالاسىندا وتكەن حالىقارالىق كينوفەستيۆالدە گران-پريگە يە بولدى، دەپ حابارلايدى اباي-اقپارات turkystan.kz-گە سىلتەمە جاساپ.

كونكۋرستا 40 ەلدەن 190 فيلم سىنعا تۇسكەن. گران-پريمەن قاتار «ايكا» قازىلاردىڭ ارنايى جۇلدەسىن دە قانجىعاعا بايلادى. ايتا كەتەيىك، كينوتۋىندىنى نەمىس رەجيسسەرى سەرگەي دۆورتسەۆوي تۇسىرگەن. ەڭبەك ميگرانتىنىڭ ءومىرى مەن ونىڭ ماسكەۋدە كورگەن قيىنشىلىقتارى تۋرالى فيلمگە جەرگىلىكتى كورەرمەندەر جوعارى باعا بەرگەن. ولاردىڭ ايتۋىنشا، سامال ەسلياموۆانىڭ ءرولدى شىنايى، اسقان شەبەرلىكپەن سومداۋى ءفيلمنىڭ وزگە باسەكەلەستەرىنەن دارالانىپ، وزىق شىعۋىنا سەپ بولعان.

ەستەرىڭىزگە سالا كەتەيىك، سامال ەسلياموۆا كانن فەستيۆالىندە ۇزدىك اكتريسا اتانعان ەدى.

«مەن مۇنداي فەستيۆالدەرگە كوپتەن بەرى قاتىسىپ كەلەمىن. ەڭبەگىڭنىڭ باعالانعانى قۋانتادى، ارينە. ءفيلمنىڭ تۇسىرىلىمىنە دايىندىق باستالعاندا، ويلانباستان سامالدى رولگە بەكىتتىم. ۇلتى قىرعىز بولماسا دا، قىرعىز ءتىلىن ۇيرەنىپ، وتە جاقسى وينادى»، – دەدى «ايكا» ءفيلمىنىڭ رەجيسسەرى سەرگەي دۆورتسەۆوي.

اbai.kz