ازاتتىقتىڭ تاجىك قىزمەتىنىڭ ءتىلشىسى مەملەكەتتىك مەكەمەدەن تۇرمەدە قازا بولعانداردىڭ ءتىزىمىن بايقاپ قالعان. وندا كەمىندە 50 ادامنىڭ اتى-ءجونى جازىلعان. قازىرگى كەزدە تەك كولونيا مايورى ميرسايد كادىروۆ پەن ەحسون يوكۋبوۆتىڭ قازا تاپقانى بەلگىلى.

رەسمي بيلىك باق-تاعى تۇرمەدەگى بۇلىك جايىندا جازىلعان حابارلارعا رەسمي تۇسىنىكتەمە بەرمەي وتىر. ال قازا تاپقان سوتتالۋشىلاردى جەرلەۋ ءراسىمى قۇپيا تۇردە جۇزەگە اسىپ جاتقانى بەلگىلى بولدى.

اباقتىدا قازا تاپقانداردىڭ ءبىرى، 12 جىلعا سوتتالعان 23 جاستاعى باحروم يسمويلوۆتىڭ اناسى رۋكيا يسمايلوۆا ۇلىمنىڭ ءمايىتىن كورۋگە رۇقسات بەرمەدى دەيدى.

​«مەنى ۇلىڭىز اۋىرىپ قالدى دەگەن سەبەپپەن تۇرمەگە شاقىرىپ الدى. سوندا بارعاندا، ۇلىمنىڭ قازا تاپقانىن ءبىلدىم. ونداعى قىزمەتكەرلەر سوتتالۋشىلار كۇزەتشىلەردى ۇرىپ-سوقتى، ءبىز قول قۋسىرىپ قاراپ وتىرمادىق دەدى. باحرومنىڭ دەنەسى زيراتقا ورالعان كۇيدە اكەلدى. ماعان ۇلىممەن قوشتاسۋعا رۇقسات بەرمەدى»،- دەيدى رۋكيا يسمايلوۆا.

حۋدجاند تۇرمەسىندە 8 قاراشاعا قاراعان ءتۇنى تارتىپسىزدىك ورىن العان. بۇلىكتى "يسلام مەملەكەتى" تەرروريستىك توبى موينىنا الدى. بۇل اقپاراتتى تاجىكستان قۇقىق قورعاۋ ورگاندارىنداعى دەرەككوز دە راستادى.

Abai.kz