"وزبەكستاندا وتە جاقسى وزگەرىستەر بولىپ جاتقانىن ايتا الامىن. وكىنىشكە وراي، وسىعان دەيىنگى جىلدارى ەكونوميكاداعى بايلانىس بار بولعانى بەس پايىزدى قۇرادى. ءبىز ۋاقىتتى تەككە جىبەرىپ الدىق. قازاق استىعىن وزبەكستان ەۋروپا ارقىلى ساتىپ العانىن ەلەستەتىپ كورىڭىزشى؟ وسىنداي زامان بولعان", - دەدى پرەزيدەنت.

بىراق سوڭعى ەكى جىلدا ءوزارا ساۋدا جىل سايىن ەكى ەسەگە ءوسىپ وتىر. "شەكارا اشىق، كەدەن كەڭەسىتىگى ورتاق، ەكونوميكالار قارقىندى بايلانىسقا ءتۇستى. مەن وزبەكستان بولاشاعىنا ءۇمىتىم زور. قازىرگى پرەزيدەنت شاۆكات ميرزيەەۆ دۇرىس جولدى تاڭدادى", – دەدى نازارباەۆ.

ساۋدا بايلانىستارىنان بولەك، قازاقستان مەن وزبەكستاننىڭ ورتاق ماسەلەلەرى دە بار. "ارال تەڭىزى جوعالار بۇرىن وندا ءبىر تريلليون توننا سۋ بولعان، بالىقتار كوپتەپ اۋلانعان. بۇرىنعى كەڭەس وداعىنىڭ ەكونوميكانى قاتە جوسپارلاۋىنان تۇتاس تەڭىز جوعالىپ وتىر. ەندى ونىڭ قايىرىنان ميلليونداعان توننا تۇز كوتەرىلىپ كەلەدى. ولار ەۋروپاعا، ءبىزدىڭ اسقار تاۋلارىمىزعا جەتىپ، مۇزدىقتاردى ەرىتەدى. بۇل - ءبىزدىڭ ورتاق قاسىرەتىمىز", – دەپ مالىمدەدى قازاقستان پرەزيدەنتى.

ونىڭ ايتۋىنشا، مەملەكەت باسشىلارى بۇل ماسەلەنى تالقىلاپ، الەمدىك قاۋىمداستىقتان ەكولوگيالىق اپاتتى بولدىرماۋ ءۇشىن كومەك سۇراعانىن مالىمدەدى.

Abai.kz