باسقوسۋدا تۇركىستان وبلىسىنىڭ اكىمى جانسەيىت تۇيمەباەۆ پەن جيزاق وبلىسىنىڭ اكىمى ەرگاش ساليەۆپەن ەكى ەل اراسىنداعى ساۋدا-ەكونوميكالىق جانە ينۆەستيتسيالىق ىنتىماقتاستىقتى نىعايتۋ جايىن تالقىلادى.

«قازىرگى تاڭدا، وبلىسىمىزدا ينۆەستيتسيالىق جوبالاردى جانە كاسىپكەرلىكتى جۇزەگە اسىرۋ بويىنشا قولايلى جاعداي جاسالعان. كليماتى اۋىل شارۋاشىلىعىنا ىڭعايلى ايماقتا ەگىن مەن مال شارۋاشىلىعىنا باسىمدىق بەرىلگەن. سوڭعى 3 جىلدا باقشا ونىمدەرى 1 ملن. تونناعا ارتتى. رەسپۋبليكاداعى جىلىجايلاردىڭ 90 پايىزى ءبىزدىڭ ايماققا تيەسىلى. ماقتانىڭ 100 پايىزى تۇركىستان وڭىرىندە وندىرىلەدى. وسى رەتتە، وزدەرىڭىزدى بىرلەسكەن تۇردە ينۆەستيتسيالىق جوبالاردى جۇزەگە اسىرۋعا شاقىرامىن. ءبىزدىڭ وبلىستا جۇمىس ىستەۋگە نيەتتى وزبەك كومپانيالارىنا بارىنشا قولداۋ كورسەتەتىنىمىزدى ايتقىم كەلەدى»، – دەدى جانسەيىت قانسەيىتۇلى.

ءوز كەزەگىندە جيزاق وبلىسىنىڭ اكىمى ايتىلعان ۇسىنىستارعا ريزاشىلىعىن ءبىلدىرىپ، بىرگە جۇمىس ىستەۋگە مۇددەلى ەكەنىن جەتكىزدى.

سونداي-اق، اتالعان فورۋم شەڭبەرىندە قوس ەلدىڭ بىرقاتار وڭىرلەرى دە مەموراندۋمعا قول قويدى. تۇزىلگەن 13 قۇجاتقا تۇركىستان وبلىسىنان باسقا، قاراعاندى، شىعىس قازاقستان، قوستاناي وڭىرلەرىنىڭ جانە استانا، الماتى، شىمكەنت قالالارىنىڭ باسشىلىعى قول قويدى.

ايتا كەتەيىك، وتكەن جىلى وزبەكستان رەسپۋبليكاسىنداعى بىرقاتار وبلىستارمەن ىنتىماقتاستىق تۋرالى مەموراندۋم تۇزىلگەن بولاتىن. وسى قۇجاتتار بارىسىندا جىلدان جىلعا ەكى وبلىستىڭ ساۋدا-ەكونوميكالىق بايلانىسى جاقسارىپ كەلەدى. جالپى ەكى ەل 27 جىل ىشىندە ءوزارا بىرقاتار كەلىسىم جاساسقان. سونىڭ ەڭ باستىلارى «ماڭگىلىك دوستىق» جانە «ستراتەگيالىق سەرىكتەس» تۋرالى شارتتارى. وسى قۇجاتتار نەگىزىندە بۇگىنگى كۇنى قازاقستاندا 800-دەن استام كاسىپورىن وزبەك كاپيتالىنىڭ قاتىسۋىمەن جۇمىسىن ىستەپ كەلەدى.