قر پرەمەر-ءمينيسترىنىڭ ءبىرىنشى ورىنباسارى اسقار مامين باستاعان توپ ىسساپارمەن تۇركىستان وبلىسىنا كەلدى.

استانادان كەلگەن مەيماندارمەن بىرگە ايماق باسشىسى جانسەيىت تۇيمەباەۆ شەكارا بويىنداعى «جىبەك جولى» باقىلاپ وتكىزۋ بەكەتىنىڭ جۇمىسىمەن تانىستى.

سودان كەيىن قازاقستاندىق دەلەگاتسيا وزبەكستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى اچيلباي راماتوۆ باستاعان دەلەگاتسيامەن كەزدەستى. تاراپتار جۇكتەردى وڭدەۋ ۋاقىتى مەن ازاماتتاردىڭ شەكارادان ءوتۋ پروتسەسىن وڭتايلاندىرۋ جانە ەكى ەل اراسىنداعى ءوزارا ءتيىمدى ساۋدا – ەكونوميكالىق تاۋار اينالىمىن ارتتىرۋ مۇمكىندىگىن قاراستىرۋ جايىن تالقىلادى.

ايتا كەتەيىك، ەكى ەل اراسىنداعى ەكونوميكالىق ارىپتەستىك قارىم - قاتىناس ۋاقىت وتكەن سايىن نىعايىپ كەلەدى.

سونداي-اق، شەكاراداعى الىس - بەرىس، بارىس –كەلىستىڭ دە كورسەتكىشى ۇلعايا تۇسكەن. ماسەلەن، 2017 جىلدىڭ 5 ايىندا «جىبەك جولى» باقىلاپ وتكىزۋ بەكەتىننەن 2,4 ميلليوننان استام جەكە تۇلعا ارلى - بەرى شەكارا اسسا، بيىلعى جىلدىڭ سايكەس كەزەڭىندە كورسەتكىش 4,2 ميلليونعا جۋىقتاعان. وتكەن جىلى 9277 جەڭىل اۆتوكولىك وتكەن بولسا، اعىمداعى جىلى 34915-كە جەتكەن.

ودان بولەك، جىل باسىنان بەرى جولاۋشىلار تاسىمالىمەن اينالىساتىن مارشرۋت ىسكە قوسىلىپ، ناتيجەسىندە 1283 اۆتوبۋس قازاقستان اۋماعىنا كىرىپ شىققان.

Abai.kz