بۇل تۋرالى بۇگىن تۇركىستان وبلىسىنىڭ اكىمى جانسەيىت تۇيمەباەۆ كوشپەلى ءباسپاسوز كونفەرەنتسياسىندا مالىمدەدى.        

«اۋىل شارۋاشىلىعى ءونىم كولەمىنىڭ ءوسىمى 2017 جىلدىڭ سايكەس كەزەڭىمەن سالىستىرعاندا 3,8% نەمەسە 374 ملرد. تەڭگەنى قۇرادى.

ونىڭ ىشىندە مال شارۋاشىلىعى 188 ملرد. تەڭگەنى قۇراپ، وتكەن جىلدىڭ سايكەس كەزەڭىنەن 5 %  ارتتى.

وسىمدىك شارۋاشىلىعى 184,4 ملرد. تەڭگە نەمەسە 102,8% جەتتى.

ەت ءوندىرىسى 6,7%-عا ارتىپ، 154,7 مىڭ توننانى قۇرادى. شەتەلگە 4600 توننا ەت ەكسپورتتالىپ، بۇل كورسەتكىش بويىنشا تۇركىستان وبلىسى ەلىمىزدە كوش باستادى. 

ءسۇت ءوندىرىسى 3,2%-عا ارتىپ، 555,6 مىڭ تونناعا، جۇمىرتقا  9,2%-عا ارتىپ، 146,7 ملن. داناعا جەتتى.

رەسپۋبليكا بويىنشا اۋىل شارۋاشىلىعى ءونىمىنىڭ ۇلەسى 14,1% قۇراپ،  2-ورىنعا شىقتى. بيىل كوكونىس، كارتوپ، باقشا داقىلدارىنان 2,7 ملن. توننا ءونىم جينالىپ، رەكوردتىق كورسەتكىشكە قول جەتكىزىلدى.  

ونىڭ ىشىندە 500 مىڭ تونناعا جۋىق ونىمدەر رەسەي، بەلارۋس، لاتۆيا، گەرمانيا مەملەكەتتەرىنە ەكسپورتتالسا، 1 ملن. تونناسى ەلىمىزدىڭ سولتۇستىك وڭىرلەرىنە جونەلتىلدى»، - دەدى ج.تۇيمەباەۆ.

تۇركىستان وبلىسى جىلىجاي، تامشىلاتىپ سۋعارۋ بويىنشا كوش باستاپ تۇر. ماسەلەن، جىلىجاي كولەمى   1285,4 گەكتاردى، ال تامشىلاتىپ سۋعارۋ ءادىسى 6,4 مىڭ گەكتەرعا ارتىپ، جالپى 64,4 مىڭ گەكتاردى قۇرادى. رەسپۋبليكادا جىلىجايدىڭ 80%-ى، تامشىلاتىپ سۋعارۋ اۋماعىنىڭ 72%-ى تۇركىستاندىقتارعا تيەسىلى.

Abai.kz