ەلباسىمىزدىڭ «بولاشاققا باعدار: رۋحاني جاڭعىرۋ» باعدارلاماسىنىڭ «تۋعان جەر» كىشى باعدارلاماسى اياسىندا ءبىرشاما شارالار اتقارىلىپ جاتىر.

تۇركىستان وبلىسىنداعى اۋداندار مەن ەلدى مەكەندەر كوركەيىپ جاتىر. وبلىس اۋماعىنداعى اۋدانداردا، ونىڭ ىشىندەگى ەلدى مەكەندەردە ەلباسىمىزدىڭ «بولاشاققا باعدار: رۋحاني جاڭعىرۋ» باعدارلاماسىنىڭ «تۋعان جەر» كىشى باعدارلاماسى اياسىندا ءبىرشاما شارالار اتقارىلىپ جاتىر. سولاردىڭ ءبىرى، تۇلكىباس پوسەلكەسىنە كىرە بەرىس جەرگە «تۇلكىباس مەنىڭ جۇرەگىمدە» دەگەن لاتىن ارپىندە بەلگى ورناتىلعان جانە سول جەردە ورنالاسقان «قازاقستان تەمىرجولى» اق مەكەمەسىنىڭ كولىك تۇراعىنىڭ بويىنداعى كوشە قابىرعالارىنا دەمەۋشىلەر تاراپىنان تاريحي سۋرەتتەرگە ءتۇرلى بوياۋلارمەن رەڭ بەرىلىپ، زاماناۋي ستيلدە تاريحي سۋرەتتەر سالىنعان.

سونىمەن قاتار، تەمىر جول اسپالى كوپىردىڭ زاماناۋي تۇرعىدا كەلبەتىن كەلتىرۋ ماقساتىندا دەمەۋشىلەر تاراپىنان پيانينو ۇلگىسىندە بوياۋ جۇمىستارى جۇرگىزىلىپ، ورتالىق كوشە بويىنا پيلوندار ورناتىلعان. پيلونداردا ەلباسىمىزدىڭ «رۋحاني جاڭعىرۋ» باعدارلامالىق ماقالاداعى باعىتتارى جازىلعان. بۇل پيلوندار تۇنگى ۋاقىتتا جارىقتاندىرىلىپ تۇراتىن كورىنەدى.

ايتا كەتەيىك، وبلىستىق ماڭىزى بار ن.وزبەكوۆ كوشەسىنە تولىعىمەن اسفالت توسەلىپ، جاياۋ جۇرگىنشىلەر جولى حالىققا پايدالانۋعا بەرىلگەن. الداعى ۋاقىتتا تۇنگى جارىقتاندىرۋ جۇرگىزىلەتىن بولادى.

Abai.kz