ەلباسى ن.نازارباەۆتىڭ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىندا قازاقستان تۇرعىندارىنىڭ ءومىر ءسۇرۋ ساپاسىن ارتتىرۋعا  ەرەكشە ءمان بەرەتىندىگىن ايتتى. سونداي-اق، حالىقتى جۇمىسپەن قامتۋ ماسەلەسىن دە وڭتايلى شەشۋ قاجەتتىگىن اتاپ كورسەتتى.

وسىعان وراي تۇركىستان وبلىسىندا 30 ادامدى تۇراقتى جۇمىسپەن قامتيتىن اسفالت-بەتون زاۋىتى ىسكە قوسىلدى.

كاسىپورىن گرەتسيالىق «Soldatos» جشس-گى مەن «تۇركىستان» اكك» اق-نىڭ فيليالى - «TURKISTAN INVEST» ينۆەستيتسيالىق كومپانياسىنىڭ بىرلەسىپ اتقارعان جۇمىستارى ناتيجەسىندە اشىلىپ وتىر.

«TURKISTAN INVEST» ينۆەستيتسيالىق كومپانياسى ءباسپاسوز قىزمەتىنىڭ مالىمەتىنشە، جوبانى جۇزەگە اسىرۋ ماقساتىندا تارتىلعان ينۆەستيتسيانىڭ جالپى قۇنى 300 ملن تەڭگەنى قۇرايدى.  زاۋىت ماقتارال اۋدانىنداعى يندۋستريالدىق ايماقتىڭ 3 گەكتار جەر اۋماعىندا سالىنعان. جوبانىڭ جوسپارلانعان جىلدىق قۋاتتىلىعى - 20 مىڭ توننانى قۇرايدى. ءوندىرىس باسىنا 30 ادام تۇراقتى جۇمىسقا تارتىلىپ وتىر.

الداعى ۋاقىتتا دايىن ءونىم قازاقستان بويىنشا ساتىلادى دەپ جوسپارلانعان.

Abai.kz